[retour à un affichage normal]

Mazarinade n° B_2_29

Image de la page

Anonyme [1652 [?]], INSTRVCTION ROYALE, OV PARADOXE SVR LE GOVVERNEMENT de l’Estat. , français, latinRéférence RIM : M0_1710. Cote locale : B_2_29.

comme des Antropophages, des Canibales & des Taupinambons,
ne se repaissent que de sang humain, &
que la mesme Sagesse met au rang des reprouuez, en
plusieurs endroits des sacrez Cahiers de l’Escriture
Sainte.
 
Combien de meurtres finis, combien d’incendies
cessées, & combien de sacrileges empeschez, si vostre
Maiesté prend le soin de regir ses sujets, selon les diuines
instructions que ie luy presente. Et au contraire combien
de malheurs ne causerez vous pas dans tout vostre
pays, si vous continuez à regner selon les pernicieuses
maximes d’vn Ministre qui ne fait le bon valet deuant
vostre Maiesté que pour mieux tyranniser vos peuples.
Ouy Sire, si vous voulez regner heureusement &
selen Dieu, chassez moy ce malheureux Ministre de
tous vos Estats & prenez au lieu de cette sang-suë, publique
vn Ministre qui soit franc d’ambition, de cupidité,
de haine & de colere : car quand les passions seruent
d’obstacle aux bonnes operations de l’entendement,
il est bien difficile à l’homme de pouuoir iamais
fidellement agir, selon qu’il y est obligé par des loix
qui doiuent estre inuiolables à toute la nature crée. L’interest
public ne peut pas iamais estre dignement distribué
par celuy qui n’a que son interest particulier dans sa
pensée ; parce que la passion qui preocupe nostre esprit,
ne nous permet pas iamais d’agir qu’à sa fantaisie.
Plusieurs republiques aussi florissantes ou plus que la
vostre ont bien pery par la conduite de gens de sa sorte.
La Sicile ne fut elle pas sur le panchant de sa ruine du
temps de Denys & du temps de Phalaris ? l’Egypte
ne fut elle pas dans vne estrange reuolution du temps
de Ptolomée ? Et l’Empire Romain ne fallit-il pas d’estre
enseuely dans ses cendres du temps d’Antoine ?
Mais puis que i’ay entrepris auec toute sorte de respect,
d’instruire vostre Maieste de l’art de regner selon