[retour à un affichage normal]

Mazarinade n° B_16_28

Image de la page

B. P. D., H. de [1652], LES VERITABLES SENTIMENS D’ESTAT POVR LA PAIX, ET SVR LE SACRE DV ROY LOVYS XIV. LES MARQVES DE SA CONDVITE pour le repos de son Royaume. Par Mre H. De B. P. D. Paris. , français, latinRéférence RIM : M0_3979. Cote locale : B_16_28.

qu à sa fortune, dautant qu’il seroit trop
malheureux si par vne lasche complaisance ou
timidité seruille il ne luy osoient librement
donner aduis de ce qui regarde le bien de ses
affaires & du Royaume, dont l’ignorance luy
causeroit des pertes irreparables.
 
Et pour le troisiéme poinct qui regarde vn
bon & solide conseil apres l’auoir receu, vous
en tirerez toute sorte de fruict, mais tout ainsi
qu’on dit que les Egyptiens auoient cette coustume
que d’exposer leurs malades à la veuë du
public, afin qu’vn chacun contribuast ce qu’il
pourroit à leur guerison : De méme façon exposant
les affaites du Royaume aux yeux des
Princes de vostre Sang, & des autres grands
que vous en estimerez dignes tant Ecclesiastiques
que laïques ; les admettant en vos Conseils
vous servant de leurs aduis, afin d’authoriser
d’auantage les resolutions qui seront prises
pour le bien de l’Estat : car la reputation que
cét ordre apportera dans les Prouinces, fera
que vos peuples obeyront plus volontairement
à ce qui aura esté arresté par vne si solemnelle
deliberation ; joint qu’il y aura tousjours
moins de murmure & de jalousie entre les plus
notables, s’il se voyent honorez de la creance
que vostre Majesté aura en eux, chacun se ressentant
comme obligé à l’execution des conseils