[retour à un affichage normal]

Accueil > recherche > Affichage d'une occurrence en contexte

Mazarinade n° A_2_41s

Image de la page

Anonyme [1649], ARTICLES ACCORDEES PAR LE Roy de Portugal, à la Compagnie qui s’establit dans son Royaume, pour l’estat general du Brazil. , françaisRéférence RIM : Mx. Cote locale : A_2_41s.


suiuant l’accord qu’ils feront auec eux, s’il arriuoit que dans la
mesme occasion V. M. donne ordre à faire des leuées de gens,
celles du seruice Royal precederont, & apres celles de la Compagnie,
sauf ayant vne vrgente necessité en icelles, en ce cas on
consultera V. M. pour qui luy plaise leur donner ce qu’il leur en
faudra, & leur la laisser faire premier, & cela s’entendra autant
aux matelots comme aux soldats.
 
10. D’autant que presentement ce Royaume manque de
Connestables, Canonniers, & gens de mer pour fournir lesdites
Armées, comme V. M. en est informée, que trouuant à propos
ladite Assemblée les faire venir des lieux du costé du Nord, les
pourra faire conduire, qui seront examinez, & ils ne seront pas
de Nation qui nous soit ennemie, & de la mesme sorte quelque
gens de guerre pour mesler auec les Portugais, & le Royaume
demeurera plus déchargé de ces leuées.
11. Et d’autant que pour des Armées de si grande importance
duquel gouuernement dépend auec l’ayde de Dieu, le bon succez
& conseruation de l’estat du Brazil, & seureté & force de ce
Royaume, il est besoin d’élire des personnes de probité
& satisfaction : que cette Assemblée fera élection des generaux
chefs, capitaines de mer, & guerre & autres officiers comme ils
trouuerront à propos, proposant à V. M. deux personnes pour
chaque charge par vne assemblee que l’õ fera pour cet effect, afin
qu’il plaise à V. M. d’en élire & confirmer vne d’icelles, & mesmement
accorder congé à ceux qui sont au seruice de V. M.
pour excercer lesdites charges qui seront anuéls, afin que auec
plus de soing & zele ils facent leur deuoir, & donnant des preues
de ses personnes comme l’on espere d’eux : Il pourra estre vne
autrefois fait choix de leurs personnes auec approbation de V.
M. ayant consideration à iceux, & aux soldats le seruice qui feront
ausdites armées, comme s’ils estoient faits dans Vostre
armee Royale ou au frõtieres du Royaume pour les recompenser,
& faire faueur suiuant les certificats que ledit General leur
deliurera au quel, & aux autres Chefs & Capitaines de mer &
guerre donnera ladite assemblée certificat comme ils se sont
comportez aux charges qu’ils leurs estoient commisses, & sans
iceluy ils ne pourront pretendre ny poursuiure aucune recompence
de V. M. pour cause desdits seruices.
12. Que apres que V. M. confirmera les personnes que ladite