[retour à un affichage normal]

Mazarinade n° B_1_30

Image de la page

Anonyme [1652 [?]], TRES-HVMBLE REMONSTRANCE FAITE AV ROY, Par Mr. l’Euesque d’Auranches sur les actes d’impieté, sacrilege, volleries, & violements qui se commettent tous les iours és enuirons de la ville de Paris. de puis l’arriuée de sa Majesté à Saint Germain en Laye. , françaisRéférence RIM : M0_3823. Cote locale : B_1_30.

d’vne telle humeur, pestri de telle paste, tiré
du neant, sorty de la lie du peuple, qui tiens sa
vie de vostre misericorde, soit si malicieux à la
veuë de Dieu & des Anges, de vostre personne
Royale, de toute la France, où Dieu preside en
face de iustice qui tient la balance, apres auoir
receu tant de biens & d’honneurs, qui ont peu
mesme donner de l’enuie aux plus fideles de vostre
Cour, apres les delices de vostre table, au
grand estonnement de la France, apres tant d’excez
de vostre bonté, que ce miserable qui non
content de tant de biens, a pillé vos Palais &
toute la France, vous ose d’oresnauant ioüer ses
tours si impudemment & impunement, sans
apprehender la main de Dieu & la vostre, non ?
pourquoy ? Quia auertit se, & non seruauit pactum,
quemadmodum pater eius conuersus est in arcum prauum.
Exercez la iustice en son endroit & de
tous ses complices puisque Dieu vous l’a déposé
entre les mains, & les pauures paysans ne trouueront
pas assez de verges dans les forests pour
les chastier : Et vous aurez vous des cachots assez
noirs pour couurir la honte de son ingratitude,
& nous trouuerons-nous assez de quarcans
& de pilloris dans les villes pour attacher
ce traistre, & le faire seruir d’exemple à la posterité,
ce sera encor trop peu pour la grandeur &