Mazarinade n° B_5_56
Image de la page
Anonyme [1652], HISTOIRE DE MAGDELAINE BAVENT, Religieuse du Monastere de Saint Loüis de Louviers. Avec sa Confession generale & testamentaire, où elle declare les abominations, impietez, & sacrileges qu’elle a pratiqué & veu pratiquer, tant dans ledit Monastere, qu’au Sabat, & les personnes qu’elle y a remarquées. Ensemble l’Arrest donné contre Mathurin Picard, Thomas Boullé & ladite Bavent, tous conuaincus du crime de magie. DEDIÉE A MADAME LA DVCHESSE d’Orleans. , françaisRéférence RIM : M0_1640. Cote locale : B_5_56.
Preuosts des Mareschaux, ses Lieutenans, Exempts, Archers, Huissiers,
Sergens, & tous autres, de le mettre en execution, ny attenter
à la personne de ladite Mere Françoise, à peine de perte de leurs
Charges, de six mil liures d’amende, & tous despens, dommages &
interests. Ordonne Sadite Majesté, que les Arrests de sondit Conseil
des 25. Ianvier, & 21. Iuin dernier, seront executez selon leur
forme & teneur : Ce faisant, que le Greffier dudit Parlement, & tous
autres qui se trouueront saisis desdites charges & informations, seront
contrains par emprisonnement de leurs personnes, de les renuoyer
incessamment au Greffe de l’Officialité ; sur lesquelles sera
procedé par ledit Official de Paris à l’instruction & Iugement dudit
procés concernant la Mere Françoise ; à la charge du cas priuilegié :
Pour l’instruction duquel assistera le Lieutenant Criminel du Chastelet
de Paris, auquel entant que besoin est, Sa Majesté en a d’abondant
attribué toute Cour, Iurisdiction & connoissance ; & en cas
d’appel au Parlement de Paris, & icelle interdite au Parlement de
Roüen, & à toutes autres Cours & Iuges. Fait Sadite Majesté tres-expresses
inhibitions & defenses iteratiues au Parlement de Roüen
de passer outre, ordonner ny prononcer aucune chose, & son Procureur
general en ladite Cour, n’en requerir ny bailler aucunes conclusions
au preiudice du present Arrest, pource qui concerne ladite
Mere Françoise, à peine de desobeïssance, d’interdiction, reduction
de leurs gages, & autres plus grandes peines, s’il eschet. FAIT au
Conseil d’Estat du Roy, Sa Majesté y estant, la Reine Regente sa
Mere presente, tenu à Paris le 7. iour de Septembre 1647. Signé,
PHILIPPEAVX.
LOVIS PAR LA GRACE DE DIEV ROY DE
FRANCE ET DE NAVARRE. Au premier des
Huissiers de nostre Conseil, ou autre Huissier ou Sergent premier
sur ce requis : Nous te mandons & commandons par ces presentes
signées de nostre main, signifier à tous qu’il appartiendra l’Arrest
cy attaché sous le contre-seel de nostre Chancellerie, ce iourd’huy
donné en nostre Conseil d’Estat, Nous y estant en personne, & la
Reine Regente nostre tres honorée Dame & Mere, faits les contraindre
par les voyes y declarées, & defenses y contenuës, sur les
peines portées par iceluy : ensemble tous autres actes & exploits
requis & necessaires pour l’entiere execution, sans demander autre
Image de la page