[retour à un affichage normal]

Accueil > recherche > Affichage d'une occurrence en contexte

Mazarinade n° B_5_56

Image de la page

Anonyme [1652], HISTOIRE DE MAGDELAINE BAVENT, Religieuse du Monastere de Saint Loüis de Louviers. Avec sa Confession generale & testamentaire, où elle declare les abominations, impietez, & sacrileges qu’elle a pratiqué & veu pratiquer, tant dans ledit Monastere, qu’au Sabat, & les personnes qu’elle y a remarquées. Ensemble l’Arrest donné contre Mathurin Picard, Thomas Boullé & ladite Bavent, tous conuaincus du crime de magie. DEDIÉE A MADAME LA DVCHESSE d’Orleans. , françaisRéférence RIM : M0_1640. Cote locale : B_5_56.


ARREST DV CONSEIL D’ESTAT
du Roy signifié au Parlement de Roüen, en
faveur de la petite Mere Françoise Superieure
des Religieuses de la Place
Royale.

EXTRAICT DES REGISTRES DV CONSEIL D’ESTAT.
VEV par le Roy estant en son Conseil, la Reine Regente sa
Mere presente, l’Arrest donné en iceluy le 20. Ianvier dernier,
sur la requeste du Promoteur de la Cour Archepiscopale, &
Maistropolitaine de la ville de Paris, par lequel defenses ont esté
faites au Parlement de Roüen, de prendre connoissance des cas
concernans la Mere Françoise Superieure des Religieuses Hospitalieres
de la Place Royale de Paris, mentionnée és informations
sur ce faites, & imposé silence au Procureur general dudit Parlement
pour ce regard : Cependant ordonne, que ledit Archevesque
de Paris, son Superieur, connoistra desdits cas : avec injonction au
Greffier dudit Parlement d’enuoyer les charges & informations au
Greffe de l’Officialité ; à quoy faire ledit Greffier seroit contraint
par corps pour proceder par ledit sieur Archevesque ou son Official,
contre ladite accusée, ainsi qu’il appartiendra par raison : les procés
verbaux de la signification faite dudit Arrest, & de la Commission
expediée sur iceux par Herbin Huissier dudit Conseil, les 14. &
15. Mars ensuiuant, tant audit Parlement de Roüen, en parlant au
sieur Procureur general en iceluy, qu’à Maistre Christophle de
Montgoubert principal Commis au Greffe Criminel dudit Parlement
en la grand’Chambre ; auec commandement de porter ou enuoyer
incessamment au Greffe de l’Officialité, ou à Maistre Regné
Hubert Notaire Apostolique, & Greffier de ladite Cour Archepiscopale,
ou mettre és mains dudit Herbin les charges & informations,
Autre Arrest dudit Conseil du 21. Iuin dernier, portant,
que celuy du 25. Ianvier seroit executé selon sa forme & teneur : Ce
faisant, que le Greffier sera contraint par corps d’apporter ou enuoyer