[retour à un affichage normal]

Accueil > recherche > Affichage d'une occurrence en contexte

Mazarinade n° B_5_56

Image de la page

Anonyme [1652], HISTOIRE DE MAGDELAINE BAVENT, Religieuse du Monastere de Saint Loüis de Louviers. Avec sa Confession generale & testamentaire, où elle declare les abominations, impietez, & sacrileges qu’elle a pratiqué & veu pratiquer, tant dans ledit Monastere, qu’au Sabat, & les personnes qu’elle y a remarquées. Ensemble l’Arrest donné contre Mathurin Picard, Thomas Boullé & ladite Bavent, tous conuaincus du crime de magie. DEDIÉE A MADAME LA DVCHESSE d’Orleans. , françaisRéférence RIM : M0_1640. Cote locale : B_5_56.



Mes Lettres leur furent renduës par vn honneste homme, qui
demanda si on n’y feroit point vn petit mot de réponse. La Mere
dit, que son conseil ne le trouvoit pas à propos. Il me semble pourtant
qu’il est toûjours à propos do tesmoigner qu’on pardonne
volontiers, quand nous en sommes suppliez. Mais chacun sçait
comme je l’entend, & non pas comme l’entend Iesus-Christ. Les
personnes qui me dirigeoient creurent que j’avois satisfait de ma
part à mon devoir, & M. le Penitencier commença d’entendre
ma confession generale. Ie creus que c’étoit assez que je la fisse depuis
ma derniere à M. de Vernon, puis que nôtre Seigneur sembloit
l’avoir autorisée & approuvée, en me faisant rendre mes papiers
fort peu apres l’avoir achevée : Ie la fis en cette sorte, & il me
differa l’absolution jusques au temps qu’il jugeoit le devoir faire,
afin que je m’y disposasse mieux. Ce n’étoit pas suivre la procedure
de ceux qui me confessoiẽt & me dõnoient l’absolution à Evreux,
& puis me faisoient aller à Louviers, pour y paroître en qualité de
Magicienne, & y écouter des crimes dont je n’avois garde de me
confesser, n’ayans jamais eu la pensée de les commettre. Mais certes
la penitence qu’il me donna, me sembla tres rude. Sans parler
du reste qui ne m’importunoit point, il voulut que j’envisageasse
tous les jours la mort, & que je me tinsse vn tẽps notable aux pieds
de Iesus-Christ crucifié, pour luy offrir ma vie, afin que s’il le permettoit,
elle luy fust sacrifiée par la voye la plus humiliante. Dieu
me fortifia beaucoup en y satisfaisant, & j’avouë que cela m’a
bien servi, & plus qu’on ne pense.
Ie fus changée de prison quand on fust prest à deliberer sur le
procés, & on me fit mener en la Conciergerie du Palais. On me fit
monter deux fois devant la Cour dans le mois d’Aoust, pour estre
interrogée & ouïe, & je pense y avoir bien esté trois heures chaque
fois Chacun sçait l’Arrest qui fut donné & executé contre
Boullé, & le corps de Picard, dont voicy la teneur. Extraict des Registres de la Cour de Parlement.
VEV PAR LA COVR, les grande Chambre, Tournelle
& Edict assemblées, le procez criminel extraordinairement
encommancé par le Conseiller d’icelle à ce deputé : Sur la
plainte d’Estienne & Roch Picard, frere & neveu de deffunt
Maistre Mathurin Picard, viuant Prestre Curé du Mesnillourdain,
& se disans heritiers d’iceluy : Appellans comme
d’abus de ce qui fait a esté par Messire François de Pericard, Evesque d’Evreux,