[retour à un affichage normal]

Accueil > recherche > Affichage d'une occurrence en contexte

Mazarinade n° B_9_13

Image de la page

Anonyme [1649 [?]], REQVESTE DV DVC DE VANDOSME AV PARLEMENT DE PARIS. , françaisRéférence RIM : M0_3496. Cote locale : B_9_13.


contre la Demission du dix-neufiesme Decembre mil
six cens trente-vn, par acte du lendemain au matin, escrit
& signé de sa main, certifié & attesté de la Dame Duchesse
de Vandosme son Espouse, & reeonneu pardeuant Iuret
Notaire au Chastelet de Paris le mesme iour, & contre la
seconde Demission du premier iour de May 1631. Par autre
acte de protestation escrit & signé de sa main, & reconnu
le mesme iour pardeuant le Greffier & Tabellion de la
Preuosté & Chastellenie de Ville-Preux, premier lieu où ledit
sieur Duc se trouua libre de ceux par qui le Cardinal de
Richelieu l’auoit fait accompagner au sortir de sa prison.
Lesquelles protestations ainsi faites pardeuant Notaires,
en toutes les rencontres & manieres qu’elles ont esté necessaires
& possibles, sont suffisantes pour marquer sa resistance
& contradiction en ce que l’on auoit extorqué de
luy.
 
Il les a encore d’abondant reïterées lors que ledit Cardinal
de Richelieu se fit Vsurpateur dudit Gouuernement,
prenant des Prouisious du Roy sur la Demission dudit sieur
Duc, contre lesquelles la Dame Duchesse de Vandosme
fit sa protestation, par acte escrit & signé de sa main, &
reconnu pardeuant deux Notaires au Chastelet de Paris,
le dernier iour de Septembre mil six cens trente-vn, confirmé
par autre Protestation aussi escrite & signée de la main
dudit sieur Duc, & reconnuë le deuxiesme Octobre mil
six cens trente vn, pardeuant le Notaire public, residant à
Bergue sur Zoom en Hollande, lieu où ledit sieur Duc
eut le premier aduis de l’invasion de son Gouvernement
par ledit Cardinal.
Par toutes ces protestations l’on void les violences