[retour à un affichage normal]

Accueil > recherche > Affichage d'une occurrence en contexte

Mazarinade n° A_8_40

Image de la page

Anonyme [1649], REQVESTE DES BOVRGEOIS DE PARIS. A NOSSEIGNEVRS de Parlement. Touchant la Police, & les Viures. , françaisRéférence RIM : M0_3485. Cote locale : A_8_40.



Tres-Illustres Seigneurs : Vous pouuez voir comme
ces serpens nourris dans vostre sein tasche à vous malfaire,
vous pouuez voir & recognoistre que Dieu mercy,
& la vigilance de nos Generaux, les viures viennent en
abondance à Paris : Mais pour cela le pauure Peuple
n’en est point soulagé aucunement : car ces meschantes
canailles, dés aussi tost qu’ils s’apperçoiuent qu’il y a des
viures arriuez, ils les achetent à l’enchere, & en donne
de largent aux Marchands plus qu’il n’en demande, &
par ce moyen fraude les pauures gens de cette Ville,
sous l’esperance qu’ils ont, que quand les pauures se
trouueront sans viures, & sans pouuoir d’en auoir, qu’ils
se ietteront sur vous, & sacrifierons vostre bonté à leur
fureur ; Ce que Dieu ne vueille permettre ; car pour vray
tout seroit perdu. La grande quantité de viures qui arrina
Vendredy tout le long du iour, & de la nuict : Et Samedy
pareillement deuoit causer quelque rabais de la
cherté : Mais tout au contraire, le pain n’y la farine n’a
point ramendé : d’autant que ces meschans Vsuriers ont
couru au deuant, & s’en sont saisis promptement, achetant
le blé & la farine à bien plus haut pris qu’ils n’estoiẽt
taxez par Messieurs de Police. Considerez, Messieurs,
s’il vous plaist, si ce n’est pas vne monopolerie insupportable
de faire payer aux pauures Citadins de Paris, autant
d’argent d’vn Minot de bled, comme il en payoit
d’vn Septier n’y a pas long-temps. Nous sçauons bien
que l’on nous dira que le bled est r’enchery : Cela est veritable :
Mais ce qui a cousté dix huict & vingt liures le
septier à Gonnesse, au Bourgé, & aux autres lieux d’alentour
de cette Ville, ne doit pas estre vendu quarante-sept