[retour à un affichage normal]

Accueil > recherche > Affichage d'une occurrence en contexte

Mazarinade n° B_3_12

Image de la page

Anonyme [1652], HARANGVE FAITE AV ROY, PAR LES SIX CORPS DES MARCHANDS DE LA VILLE DE PARIS. AVEC L’ENTRETIEN D’VN MARCHAND ESPICIER, ET VN MARCHAND MERCIER, à leur retour de Pontoise. , françaisRéférence RIM : M0_1592. Cote locale : B_3_12.


effectiues de ce que nous luy protestons presentement,
comme ses tres-humbles & tres-fidels suiets.
  ENTRETIEN D’VN MARCHAND
Espicier, auec vn Marchand Mercier,
à leur Retour de la Ville
de Pontoise.

SI-tost le Retour des Six Corps à Paris, vn Marchand
Espicier, & vn Marchand Mercier, eurent
cét Entretien auparauant que de se separer.
L’Espicier.
Monsieur, si le Roy nous fait la grace d’enuoyer
vne Amnistie generale pour estre verifiée au Parlement,
nous aurons vne Paix ferme & stable fondée sur
la Reünion de la Maison Royale, au moyen de laquelle
les efforts des Ennemis de la France seront vigoureusement
repoussez, & nostre trafic asseuré.
Le Mercier.
Nous pouuons obtenir cette Paix sans cette Reünion,
& nostre trafic rétably, le Roy nous faisans la
grace de retourner à Paris, car les Princes seront contraints
de poser les armes, & de venir rendre à sa Maiesté
leurs soûmissions, aprés mesme l’Amnistie qui a
esté verifiée au Parlement de Pontoise, qui est toute
l’affeurance qu’ils peuuent pretendre raisonnablemẽt,
sinon nous donnerons de l’argent pour leuer des Troupes,
pour renforcer l’Armée du Roy, & remettre les
Princes dans l’obeïssance.
L’Espicier.
Ce pretendu Parlement de Pontoise estant l’enfant