[retour à un affichage normal]

Accueil > recherche > Affichage d'une occurrence en contexte

Mazarinade n° B_3_12

Image de la page

Anonyme [1652], HARANGVE FAITE AV ROY, PAR LES SIX CORPS DES MARCHANDS DE LA VILLE DE PARIS. AVEC L’ENTRETIEN D’VN MARCHAND ESPICIER, ET VN MARCHAND MERCIER, à leur retour de Pontoise. , françaisRéférence RIM : M0_1592. Cote locale : B_3_12.


de la Guerre, ne peut parler que de Guerre ; & n’estant
qu’vn membre d’vn grand Corps, il ne peut subsister
aprés sa mere, à cause qu’il est desia gangrené : Et partant
il luy est impossible de produire vn acte de santé
pour faire reuiure la Paix, que cette Reünion seule
peut faire renaistre, & nostre Parlement donner de la
vigueur pour la faire subsister par la verification d’vne
Amnistie en bonne forme, autrement se seroit mal
faire son compte, parlant en termes de Marchand, que
de donner de l’argent pour leuer vne Armée pour prolonger
la Guerre, & partant ruiner nostre trafic, car la
défaite de l’Armée des Princes n’est pas si facile, elle
augmente tous les iours ; Et nous ayans pour ennemis,
la cherté des viures augmenteroit de beaucoup cét
Hyuer. Nostre interest est donc de viure paisiblemẽt,
de souhaitter au plustost vne Amnistie en bonne forme,
auec la Reünion de la Maison Royale ;, & encore si nous
sommes si peu préuoyans que de leuer vne armée à
nos despens contre celle des Princes, outre les inconueniens
cy-dessus, il nous la faudra tousiours entretenir
pour maintenir & proteger les Ministres estrangers,
Emissaires du Cardinal Mazarin, qui sont encore
d’aprés le Conseil du Roy, contre lesquels nous auons
tant crié ; & neantmoins on y voit encore de surcroy,
& des Italiens, & des Anglois, qui est vne plaisante
combination ; Ce qui me fait ressouuenir de ce Rail.
leur Romain, lequel voyant vne femme qui portoit
des pommes sur sa teste, s’écria ; quæ est ista insitio malum
supra malum ; Ie voudrois bien vous demander
quel seroit le fruit de la Paix qui prouiendroit de cette
Race Angloise & Italienne, & à quel denier seroit l’interest
de nostre argent qu’on nous demanderoit pour
cultiuer cette plaisante greffe.
 
Le Mercier.
Vous voulez contrefaire le Railleur, mais pour parler