[retour à un affichage normal]

Accueil > recherche > Affichage d'une occurrence en contexte

Mazarinade n° B_4_24

Image de la page

Anonyme [1650], REMONSTRANCES TRES-HVMBLES A LA REYNE MERE REGENTE EN FRANCE. POVR LA CONSERVATION DE l’Estat, pendant la minorité du Roy son Fils. , françaisRéférence RIM : M0_3343. Cote locale : B_4_24.


d’vne merueilleuse force : car de la en auant il ne respirera
que par les biens-faits de vostre Majesté, qui vous sera
vn moyen pour aller au deuant des desseins de tous remueurs
d’Estat, qui ne peuuent rien que par luy, ostez-leur
le peuple, vous les rendez nuds & vuides de toutes
forces. Opposez leur donc vn peuple deschargé de tous extraordinaires
imposts, l’experience vous apprendra que de
pieds, de mains, & de cœur il estouffera toutes leurs entreprises
dés leurs naissances. Car il seroit à craindre que la
mesme experience nous fit voir ce que peut vn peuple malcontent
lié auec l’ambition des grands, qui ne remuent les
opinions des sujets contre leur Prince, que sous le masque
du bien public, dont par effect ils sont les premiers corrupteurs.
 
Menasgement des deniers.
Apres que vous aurez gratifié le peuple de toutes ces
superfluitez & surcroissances qui l’affligeoient : tenez
compte du nombre des Prouinces de ce Royaume, & de
la quantité que chacune contribue de Tailles, Impost,
Daces, Gabelles, Aydes, Tributs, & autres reuenus publics,
pour sçauoir certainement ce qui se leue sur le peuple
par chacun an, puis examinez à combien annuellement
peuuent reuenir les pensions, rentes, gaiges d’officiers
payemens de la gendarmerie & autre despence qu’il
faut faire, afin que par vne bonne œconomie vous regliez
en sorte les finances du Roy, que les glueuses mains ne
puissent retenir ceux qui doiuent venir de net dans ses coffres.
La recepte & despence veuë & sçeuë au vray faictes
s’il vous plaist, que la despence tant ordinaire qu’extraordinaire
du Royaume pour le rendre durable, ne surmonte
le reuenu du Roy : si la despence excede le reuenu, c’est à
dire, qu’il ne peut gueres durer.
Guerre.
Tirez vous de la guerre soit Ciuile ou Estrangere : l’vne
& l’autre ne peuuent apporter que ruine, mort &