[retour à un affichage normal]

Accueil > recherche > Affichage d'une occurrence en contexte

Mazarinade n° C_9_48

Image de la page

Anonyme [1648 [?]], REMONSTRANCE DE LA VILLE DE PARIS, A LA REYNE REGENTE MERE DV ROY, Sur le faict des Thoisez. , françaisRéférence RIM : M0_3307. Cote locale : C_9_48.


& le plus grand nombre du peuple, l’augmentation
des entrées & des autres droicts imposez sur luy, qui sont de telle
qualité, qu’au lieu des cinq sols qui se payoient lors sur chacun
muid de vin, il s’en paye à present vnze & douze liures, &
ainsi du reste. Il est vray de dire, que si on reduisoit les choses en
l’estat auquel elles estoient sous Henry II. le Roy n’y pourroit
pas trouuer son compte : & ainsi ces contrauentions ne le blessent
point, & ne peuuent pas donner lieu à l’establissement de
ces taxes.
 
Aussi pour soustenir cette Iustice, il se voit que la raison leur
manquant, ils y ont employé la force : & par vn attentat inoüy
contre les libertez de la France, ils ont abusé de l’honneur & de
la dignité de l’employ des Compagnies des Gardes du Roy vostre
Fils, pour les rendre recors & ministres de leurs passions, resolus
de renuerser plustost l’Estat (dont la conseruation ne les
touche, qu’autant que leur interest les y porte) que de rien quitter
de leurs violences, quoy que preiudiciables au public.
Ainsi dãs le calme d’vne profõde paix domestique, le Bourgeois
de cette ville de Paris, a veu & void encore tous les iours ce que
l’Estranger ne void pas chez luy dans les desordres de la guerre,
des escoüades dans sa maison, des picques baissées, & des mousquets
apprestez contre son estomach desarmé, pour satisfaite à
la conuoitise & violence de ces particuliers, qui font ainsi obseruer
à vostre Majesté le serment que vous auez fait de leur rendre
iustice, & conseruer leurs priuileges.
La cognoissance que cette ville a de vostre bonté, luy fait assez
croire qu’elle ne contribuë point à ces violences : & le respect
& l’obeïssance qu’elle proteste de luy rendre eternellement aux
despens mesme de la vie de ses habitans, a fait que dans le tumulte
qui s’esleua dans ces derniers iours, elle apporta tous les soins
& les diligences possibles, pour asseurer mesme la vie de ceux
qui l’affligent, & qui sont autheurs de son mal.
Pour la remercier de son assistance, ces particuliers ont fait
publier vn Arrest du Conseil d’Estat le 7. du present mois de Iuillet,
par lequel ils font declarer, que l’on n’a point entendu comprendre
dans les Taxes de cét Arrest du 27. Ianuier les Proprietaires
des maisons qui sont situées au dedans des anciennes bornes,