[retour à un affichage normal]

Mazarinade n° C_9_35

Image de la page

Anonyme [1649], REMERCIMENT AV ROY, PAR MESSIERS LES ADVOCATS DV PARLEMENT DE PARIS. , françaisRéférence RIM : M0_3286. Cote locale : C_9_35.

dissolutions ; l’autre estoit si broüillé en l’Estat qu’il auoit vsurpé,
qu’il auoit assez à faire à se maintenir soy-mesme, sans s’adonner
à penser au salut d’autruy. Au lieu que vostre Majesté-tranquille
en son Royaume, plus aymé que craint de son peuple,
ne se donne point de repos ; ains trauaille incessamment
pour son soulagement, faisant tous les iours de bonnes & sainctes
Loix, pour faire refleurir la Iustice. Entre lesquelles l’Arrest
donné à Fontainebleau le deuxiesme de Iuillet, portant
permission aux Aduocats d’exercer l’vne & l’autre charge
d’Aduocats & Procureurs, n’est pas des dernieres ; car quel
moyen pouuoit-on trouuer plus expedient, pour couper la teste
au procez, que nostre Poëte appelle le monstre des François,
qu’en retranchant vn nombre effrené de Cabalistes, qui
ne visent qu’à ce qu’ils voyent & sçauent, à sçauoir, vn allongement
& retardation, par l’obseruance d’vn stil qu’ils tiennent
de main en main, duquel ils reuerent les Articles comme des
Oracles de Delphes. Et pensans que ce soit la vraye Iurisprudence,
l’appliquent indifferemment à tous affaires. Ils ressemblent
à ce petit poisson nommé Echeneïs, lequel estant aggraphé
à vn nauire le retient & le garde d’aller viste. Et pour monstrer
encor plus la conuenance de l’vn à l’autre ; on dit qu’il a ceste
vertu, quand on le porte sur soy, de nourrir les querelles, &
retarder l’issuë des iugemens. Toutesfois ne sont-il pas dignes
d’excuse ? Les Biches monstrent du commencement à leurs
Fans à courir, comme si elles leurs monstroient à fuir, & les
meinent par des rochers pour les duire au paisage. Estans
grands ils fuyent, brossent, & franchissent legerement les pas
des montagnes. Ainsi les Procureurs apprennent à leurs