[retour à un affichage normal]

Mazarinade n° B_20_43

Image de la page

Anonyme [1652], REMEDE AVX MAL-HEVRS DE L’ESTAT AV SVIET DE LA QVESTION. SI LA VOIX DV PEVPLE est la voix de Dieu. , françaisRéférence RIM : M0_3270. Cote locale : B_20_43.

Princes directement, ou indirectement, & d’escrire
d’autre part que tout l’Esprit de Iesus Christ reside
en sa teste, pource qui regarde la foy, comme à osé
dire le Renegat de Dominis, affiché par Sebastien Cramoisi
par les coins des ruës de Paris, l’an 1623. sans aucun
contredit. Certainement le mensonge messé
parmy la verité de la Religion, luy porte grand preiudice.
N’est ce point le faire regarder de trauers par
les Souuerains au temporel, & par les Prelats au spirituel,
& par consequent de touts leurs fidels suiects ?
Les Princes sont trop ialoux de lur authorité. Nous
preschons qu’vn chacun se doit contenter de sa vocation,
selon l’Apostre, escriuant aux corinth. I. ch.
7. V. 20. & 24. Que chacun demeure enuers Dieu,
en ce en quoy il est appellé, & nous sortons du soin
que nous deurions auoir entier pour le Ciel, afin de
nous embarasser de dans les affaires du monde. Il ne
se faut esmerueiller si du regne de charles 8. les heureux
progrez qu’il fit en Italie, furent entierement
ruinez, les François trahis & chassez, puis que le Cardinal
de S. Malo ennemy de l’Estat, & de la reformation
de l’Eglise, gouuernoit les finances.
 
Si soubs Louis 12. les François furent encore vne
fois chassez d’Italie, puis que le Cardinal d’Amboise
estoit le principal conseiller. Il aspiroit à la Papauté :
il faloit donc aider à son dessein par la faueur de
la cour de Rome, qui n’aime les François en Italie
que lors qu’elle en a affaire, & les chasse aussi tost
apres.
Faut il se scandaliser, quand on resistera au ministere