[retour à un affichage normal]

Mazarinade n° B_20_43

Image de la page

Anonyme [1652], REMEDE AVX MAL-HEVRS DE L’ESTAT AV SVIET DE LA QVESTION. SI LA VOIX DV PEVPLE est la voix de Dieu. , françaisRéférence RIM : M0_3270. Cote locale : B_20_43.

leur est naturelle, leur gouuernement a esté plus aristocratique,
que Monarchique absolu, attendu que
leurs Roys ont tousiours esté dependants des Estats
& de leurs Parlemens, tellement qu’en affaires d’Estat
& de consequence, ils n’ont iamais peu dire pour
raison, telle est nostre volonté & bon plaisir : ce qu’on
peut dire aussi des autres Royaumes, mais non en
France, où les hommes ne pouuans resister à la necessité
que la loy naturelle, & la coustume presque
immemoriale leurs ont imprimé, il ne se peut faire
aussi qu’ils changent de genre, de gouuernement.
 
L’experience nous le fait asseurer par les occasions
que les peuples François ont eu tant de fois fort faciles
à se mettre en Republique, non seulement aux
changemens qu’ils ont esté contraints faire par les
diuerses races de leurs Roys, mais lors que les Roys
mesmes ont esté reduits à la necessité, de se voir entierement
despendre de leurs subiects, à quoy pourtant
ils n’ont iamais pensé ? La longue experience leur
a aussi fait voir que telle sorte de regime leur a tousiours
esté heureux, & que tous les efforts des
plus puissans Princes de l’Europe, quoy qu’vnis, ne
l’ont iamais peu changer ny esbranler. Attendu que
nos Rois ont perpetuellement eu cette bonté, que
de conduire leurs peuples, non comme superbes Seigneurs
& tyrans, mais comme peres, qui encore que
remplis de Maiesté plus que le reste des Roys de la
terre, ont neantmoins fait part de leur authorité aux
principaux de leurs peuples, aux Parlemens, aux
Princes, Gouuerneurs, Connestables, Pairs & Mareschaux