[retour à un affichage normal]

Accueil > recherche > Affichage d'une occurrence en contexte

Mazarinade n° B_19_42

Image de la page

Anonyme [1652], RELATION VERITABLE CONTENANT L’ESTAT du siege de la ville d’Estampes. Et ce qui s’est passé aux attaques des 6, & 7. Iuin, entre les troupes de Son Altesse Royale, commandées par les Comte de Tauannes, Baron de Clinchamp, & de Vallon, & celles du Mareschal de Teurenne. Auec la response de Son Altesse Royale à Mrs Deputez du Parlement sur le sujet de l’arriuée des troupes du Duc de Lorraine. , françaisRéférence RIM : M0_3179. Cote locale : B_19_42.


la place, en firent vnze prisonniers, & amenerent
dans la ville force fourage. La bresche qui auoit
esté faite, qui estoit d’vne telle grandeur, que 25. ou
30. hommes pouuoient entrer de front, a esté tellement
refaite auec force facines & terrasses, qu’il
n’y a rien à craindre de ce costé-là.
 
Il ne se passe aucun iour qui ne soit signalé par
quelque attaque du party des assiegeans, lesquels
toutes fois espouuantent si peu ceux de dedans, que
les sieurs de Tauannes, de Clinchamp, & de Vallon,
ont fait asseurer son Altesse Royale par le
sieur de Montelon (qui est est party d’Estampes
le Ieudy sixiéme apres midy) qu’ils estoient munis
de toute chose necessaires pour soustenir le siege
encore plus de quinze iours, quand mesme le secours
des troupes du Duc de Lorraine (qui s’approchent
tous les iours) ne leur seroit point enuoyé.
Outre les munitions de bouche, qui sont en
abondance dans la ville, il y a plus de six mille combattans
effectifs, huict pieces de canon ; six desquelles
sont plantées sur le caualier basty dans le
Chasteau, & les deux autres sur la porte d’Orleans ;
du costé de laquelle est le camp & principal quartier
des assiegeans, & vne porte qu’ils ont libre ; sçauoir
celle qu’on nomme de Pluuier, par la quelle
sortit le 6. de ce mois le corps du feu Marquis de
la Londe, tué à l’attaque de la demi-lune, & apporté
à Paris, pour estre inhumé dans l’Eglise des
Carmes Deschaussez. Les Regimens qui sont dans