[retour à un affichage normal]

Accueil > recherche > Affichage d'une occurrence en contexte

Mazarinade n° B_8_32

Image de la page

Anonyme [1652], RELATION GENERALE, De tout ce qui s’est fait & passé dans la Ville d’Orleans, depuis l’arriuée de Mademoiselle. Auec le Recit de tout ce qui s’est passé dans la Ville de Paris, depuis sa sortie. , françaisRéférence RIM : M0_3172. Cote locale : B_8_32.



On a sceu que M. le Prince partit d’Agen luy huitiesme le
24. de Mars, & arriua le 31. du mesme mois à Chastillon,
portans tous de l’auoine en croupe pour leurs cheuaux, ne
repassant en en aucune ville murée, & n’en approchant pas
seulement de crainte d’estre pris.
Du mesme iour.
On apporta à son A. R. la liste des Eglises qui ont esté pillées,
tant dans la ville qu’au Fauxbourg de Blois par les gens
de guerre qui estoient autour, dont il y en auoit trois que le
Roy pouuoit voir de ses fenestres.
Hier sur les quatre heures du soir le sieur Barré reuint de
l’armée en cette ville qui raporta que M. le Prince y estant
arriué il y auoit esté receu de tous les Officiers, Chefs &
soldats auec des témoignages d’vne joye extréme, qu’il estoit
en suite allé trouuer les Ducs de Beaufort & de Nemours à
Chasteauneuf ou il auoit soupé & couché auec eux, les Ducs
estant de present en tres bonne intelligence, que toute l’armee
estoit des auant hier deuant la ville de Montargis pour
l’assieger, dans le Chasteau de laquelle le sieur de Mondeuille
qui est au C. M, s’est jetté auec ce qu’il a peu ramasser
de monde pour s’y deffendre, & que la Cour n’estoit pas encore
partie de Sully : mais qu’on croyoit qu’elle en partiroit
bien-tost, & prendroit le chemin de Moulins en Bourbõnois.
On a eu nouuelles que monsieur de Matignon s’est rendu
maistre de la ville de Carentan en basse Normandie, qui
appartient à son A. R. ayant par là leué le masque, & s’estant
declaré pour la Cour.
Ce matin les sieurs de Gaucourt & de la Sablonniere sont
partis d’icy, le premier pour aller trouuer monsieur le Prince ;
& l’autre le Duc de Loraine, on croid que c’est pour
ajuster la demission cy dessus mentionnée, afin de faire auancer
les troupes de ce Duc, sur l’auis qu’on a eu que le Comte
d’Harcourt auoit ordre de marcher auec son armee pour
venir joindre celle qui est aupres du Roy.
Le Mareschal de Lhospital est reuenu en sa maison depuis
hier, où il fut visité du Preuost des Marchands & des Escheuins
de cette ville.
Mademoiselle est maistresse d’Orleans, ayant gagné le
cœur des grands & des petits, personne n’y entre ny sort sans
billet.

FIN.