[retour à un affichage normal]

Mazarinade n° A_9_28

Image de la page

Anonyme [1650], RECIT VERITABLE DE TOVT CE QVI S’EST FAIT ET PASSÉ A L’ENTREE DV ROY EN LA VILLE D’AVXERRE. AVEC LES HARANGVES faites à Leurs Majestez par Messieurs du Clergé de ladite ville. , françaisRéférence RIM : M0_3018. Cote locale : A_9_28.

s’il leur plaisoit, pour autant qu’il n’y auoit lieu au
monde où elles fussent en plus grande veneration,
que tous les iours en vne maniere toute particuliere
pendant les diuins Mysteres l’on y faisoit des
prieres pour Leurs Majestez.
 
Lequel discours estant acheué, les Chanoines
conduisirẽt Leurs Majestez en ordre dans le chœur
par la grande porte auec la Croix : l’Eglise estoit
remplie de peuple, qui ne cessa de crier Viue le Roy.
Le Roy entré au chœur l’on chanta en musique
pendant vne Messe basse le Te Deum, & apres l’eleuation
vne Antienne propre pour le Roy. La
Messe dite la Croix retourna par le mesme chemin
suiuie de tous les Chanoines reuestus comme au
parauant, & reconduisirent Leurs Maiestez iusques
à la porte de l’Eglise.
L’apresmidy le Roy desliura tous les prisonniers
des prisons, & vid apres quelques ieux &
exercices : & le soir apres la collation deuant sa
chambre sur la riuiere l’on fit ioüer quelques feux
d’artifice qui y auoient esté preparez, auec vn excellent
Trompette Bourgeois de la ville, qui a reputation
d’estre l’vn des meilleurs de la France, qui
s’y est estudié & exercé pour son plaisir, & y reussit
parfaitement. Leurs Maiestez y prirent grand
plaisir, & toute la Cour.
Le lendemain Dimanche le Roy retourna en la
Cathedralle à la Messe, la Reyne alla aux Benedictins
en l’Abbaye de S. Iulian hors la ville, elle y