[retour à un affichage normal]

Mazarinade n° C_12_49

Image de la page

Anonyme [1652], PROPHETIE CVRIEVSE ET REMARQUABLE, d’vn certain Roüallond, natif d’vn village appellé la Roüallondiere, dans la Paroisse de Chollet en Poictou, prés le pays de Rets, dans l’Euesché de Maillezais, en l’an 1480. Sur les affaires de la France. , françaisRéférence RIM : M0_2909. Cote locale : C_12_49.

O pauure peuple que de meschef, il mourra,
& laissera les tailles si grandes, qu’à grand peine
pourras tu auoir de quoy toy alimenter, & de
quoy dans la terre semer, & des ferrements pour
la labourer. Helas tu n’es mie encore à bout de
de mal auoir. Il viendra derechef vn petit Roy,
sera alors que tu ne pourras plus annully secours
querre, car les tailles derechef croistront, les
doüanes, les daces & toutes sortes de maltotes,
de telle maniere qu’aussi-tost qu’en ta bource on
te senrira vn denier l’on te l’ostera. Tu verras perir
ton enfant à la tetine de ta femme, à qui le laict
faudra faute de pain. Si arriueront en ce temps
moult de signes & de prodiges ; dis alors que tu
es à la veille du comble de tous mal-heurs, & de
toutes abominations. Iamais les hommes si peruers,
si traistres ny si pleins de cautelle, oncques
ne furent & les vns & les autres se trahiront, &
tromperont, aussi bien les grands comme les petits.
Et parmy les grands, les meschans feront
complot pour les bons outrager qui de toy compassion
prendiont ; alors tu ne verras que beaux
semblans, meurtres, assassins, empoisonnements
fausse accusations : que ceux qui auront le cœur
droict soient à se bien garder prudents & aduisez.
La crainte de Dieu ne sera plus au cœur des hommes,
il s’esleuera de faux prophetes que de moult
de gens grands & petits seront escoutés en leur