Mazarinade n° B_11_23
Image de la page
Anonyme [1652], OBSERVATIONS VERITABLES ET DES-INTERESSEES, Sur vn escrit imprimé au Louure, INTITVLÉ LES SENTIMENS D’VN FIDELLE SVIET DV ROY, Contre l’Arrest du Parlement du 29. Decembre 1651. Par lesquelles l’authorité du Parlement, & la Iustice de son Arrest contre le Mazarin, est plainement deffenduë; & l’imposteur qui le condamne entierement refuté. Par vn bon Ecclesiastique tres-fidelle sujet du Roy. PREMIERE PARTIE. Qui iustificat impium, & qui condemnat iustum; abominabilis est vterque apud Deum; Prouerb. cap. 17. vers. 15. , français, latinRéférence RIM : M0_2574. Cote locale : B_11_23.
point cette iurisdiction, ains au contraire, respond sur tous les
chefs dont il est enquis & interrogé, comme tesmoigne Theodoret,
qui rapporte cette histoire tout au long.
Platina in
Liberio.
L’Empereur Iustinien I. fit faire le procés au Pape Siluerius,
en l’an 537. qui fut priué du Papat, puis enuoyé en exil, parce
qu’il fauorisoit les Goths ses ennemis.
Procop. lib.
1. de bell.
Gothorum.
Le Pape Leon III. estant accusé de plusieurs crimes par ses
mal-veillans, Charlemagne vint à Rome en l’an 801. pour s’informer
de la verité, & entendre les accusations que l’on faisoit
contre luy ; en suite de quoy Platine dit que ; Octauo die post quam
Carolus vrbem ingressus fuit, in Basilica Petri, astante populo & clero,
Episcoporum omnium qui eo ex tota Italia & Francia conuenerant, sententias
de vita & moribus Pontificis rogat ; qui est tout ce que peut
faire vn Iuge legitime & souuerain.
Platina in
Leo. III.
Baron. annal.
tom. 9.
ann. 800.
Conc. Gall.
t. 2. fol. 228.
Nicol. Gilles,
annal.
ann. 799.
Paul Æmil.
hist. liu. 3. en
la vie de
Charlemagne.
Fauchet, des
Ant. Franc.
liu. 7. ch. 8.
En l’an 823. Le Pape Paschal I. desirant voir à Rome les Empereurs
d’Occident pour jouïr de cet honneur comme ses predecesseurs,
enuoya prier Lothaire, fils de Louïs le Debonnaire
d’y venir passer les Festes de Pasques, où il arriua ce Sainct
jour, auquel il fut couronné Empereur auec les acclamations
du peuple Romain. Les Festes passées, ce Prince reprit le chemin
de France, & ne fut pas plustost sorty de la ville qu’il se fit
vne cruelle execution dans le Palais de Latran, où entr’autres
Theodore Prothonotaire, & Leon Nomenclateur son gendre
eurent les yeux creuez, puis la teste tranchée. Le bruit couroit
que cet assassinat auoit esté fait par l’ordre, ou pour le moins
du consentement de Paschal, pour s’estre monstrez trop ouuertement
partisans de Lothaire. Les Empereurs trouuans
estrange que le S. Pere qui estoit sous la protection de la France,
fut autheur d’vne telle procedure, deputerent Adalong
Abbé de sainct Vaast d’Arras, & Honfroy Comte de Coire qui
est en Rhetie, ou pais des Grisons, pour informer de ce trouble.
Mais auant leur partement arriuerent en Cour de la part
du Pape Iean Euesque de Noua-ville, & Benoist Archidiacre
de Rome, pour supplier l’Empereur d’auoir autre opinion de
fa Sainteté, qui ne pouuoit estre blasmée de cette action sans
infamie, veu les obligations signalées que le sainct Siege auoit
à la France, representans plusieurs autres raisons pour sa iustification ;
nonobstant lesquelles l’Empereur fit partir ses Commissaires
Image de la page