[retour à un affichage normal]

Mazarinade n° C_12_35a

Image de la page

Anonyme [1652], OBSERVATIONS SVR QVELQVES LETTRES ECRITES AV CARDINAL MAZARIN, ET PAR LE CARDINAL MAZARIN. , françaisRéférence RIM : M0_2572. Cote locale : C_12_35a.

sage, & bon ? Comme genereux il ne se veut
point vanger ; comme sage, il est d’auis que le
Cardinal Mazarin sorte du Royaume : & comme
bon, il desire la Paix au dedans ; pour paruenir
à celle du dehors ; & ne souhaite rien si
passionnement, que d’oster le credit à celuy,
qui recule ce grand bien, le croyant contraire à
sa fortune.
 
XII. La teste du Cardinal Mazarin s’estant eschauffée
en escriuant ; il entre en furie : il iette
sa calotte rouge à terre, & la foule aux pieds par
la demission qu’il fait par escrit de son Cardinalat,
auquel il renonce à ce qu’il dit de bon cœur ;
protestant, qu’il tiendra pour vne grace singuliere,
qu’on leue cét empeschement à sa iustification :
il seroit pourtant bien estonné si on l’auoit
pris au mot : des personnes de condition, &
qui font profession d’honneur, luy ayant oüy dire,
en tenant sa calote par le sommet, & la secoüant
auec mépris : voila qui ne tient à rien ; quand
on me l’ostera : il me restera vne qualité plus grande ; qui
ne pouuoit estre, que celle de Roy de France ;
s’estant imaginé, à force de le contrefaire, qu’il
l’estoit en effect. Cette sotte impression le porta
à demander vn inter dit au Pape ; contre ceux
qui l’auoient fait descendre de son thrône ; mais
nous esperons que Sa Sainteté le destornera du
Cardinalat ; s’il ne va bien-tost à Rome, pour y
rendre compte de ses actions. Au reste nous luy