[retour à un affichage normal]

Mazarinade n° C_12_35a

Image de la page

Anonyme [1652], OBSERVATIONS SVR QVELQVES LETTRES ECRITES AV CARDINAL MAZARIN, ET PAR LE CARDINAL MAZARIN. , françaisRéférence RIM : M0_2572. Cote locale : C_12_35a.

aux protestations, qu’il fait au Roy, & à
la Reyne ? D’où s’ensuit ; ou que le Cardinal Mazarin
a enuie de tromper ceux qu’il appelle ses
amis ; ou qu’il veut endormir ceux qu’il tient
pour ses ennemis : Ainsi l’vn ou l’autre party, sera
pris pour duppe ; ou peut estre les deux. Mais que
deuïendroient tant de bottes de breuets, qu’il a
distribuez ; pour six Mareschaux de France ; pour
douze Ducs, & Pairs, pour trois cens Cheualiers
de l’Ordre : n’y ayant point d’Officiers, de Caualleries,
ny de Volontaires dãs son escorte, auec
lesquels il ne soit engagé pour vne recompense ;
ou en charges, ou en honneurs, ou en argent : les
vns ont des suruiuances de Gouuernemens ; les
autres des retenuës d’Offices, les autres des reserues
de benefices, & plusieurs ont la promesse
d’vne mesme chose. On dit qu’il a desia
disposé des principales charges de la Maison de la
Reyne future, & qu’il a fait esperer les mesmes
Offices a trois ou quatre pretendans, rien ne pouuant
estre refusé à ceux, qui sont Maistres d’vne
vie condãnée & mise à prix. Quantité de Beneficiers,
Gouuerneurs & Officiers doiuent tenir
sur leurs gardes, estant certain que les engagemens,
& peut-estre les prouisions secrettes, mettent
en danger les vies de ceux, qui croient estre
bien asseurez : toutes les creatures du Cardinal
Mazarin ayant demandé, & obtenu tout ce qui
les peut accommoder dans leur voisinage, & ail