[retour à un affichage normal]

Mazarinade n° B_9_14

Image de la page

Anonyme [[s. d.]], FACTVM Pour Monsieur le Duc de Vandosme. Contre les Pretentions de Monsieur & Madame d’Elbeuf. , françaisRéférence RIM : M4_41. Cote locale : B_9_14.

& prendre droit que sur les Titres mesmes de Madame
d’Elbeuf, sa cause seroit indubitable ; & il faut que
Madame d’Elbeuf en demeure d’accord, si elle veut
s’aider de sa legitimation, qui n’a autre fondement
que celle accordée à Monsieur de Vandosme, en voicy
les termes.
 
Henry, &c. ayant pleû à Dieu depuis n’agueres nous
donner en la personne de nostre chere & bien-aimée la Marquise
de Monçeaux, Gabrielle d’Estrées, nostre Fille naturelle,
Henriette ; estant bien raisonnable qu’elle soit decorée,
& honorée du titre & honneur de legitimation, comme
nous l’auons cy-deuant donné à Cesar nostre Fils naturel son
Frere, tant pour estre de mesme extraction ; & ladite Dame
Marquise de Monçeaux sa Mere en mesme condition de
soluë & non mariée, que pour se comporter toujours ladite
Dame enuers nous auec tant de reuerence, de soin & d’affection,
&c.
Madame d’Elbeuf ne peut prendre auantage de la
validité de ces Lettres, qu’elle ne reconnoisse l’exposé
veritable ; & par consequent Madame sa Mere auoir
esté en condition de soluë & non mariée, lors de la
naissance de Monsieur son Frereaisné.
Mais il y a plus, ces Lettres de legitimation qui
la rendent capable de recueillir & apprehender tous
dons, bien-faits & gratifications, ne font aucune
mention du droit de succeder ; il ne se trouuera ny
clause ny mot de succession en toute la Lettre ; cela
peut auoir esté, pource que les Enfans naturels n’ayans
pas le droict de succeder à Pere & Mere sans leur
consentement ; & celuy des parens presomptifs heritiers,