[retour à un affichage normal]

Mazarinade n° C_5_3

Image de la page

Anonyme [1649 [?]], Factum Notable. Pour Thomas Carrel Huissier Sergent à cheual au Chastelet de Paris, demandeur en execution des Arrests de la Cour des 7. Decembre 1645. & 19. Decembre 1647. , françaisRéférence RIM : M0_1363. Cote locale : C_5_3.

en suitte ils ont commencé par la promesse & conuention qu’ils
ont faite auec le demandeur le quatriesme May 1638. de luy
donner pour sallaires & recompense le sol pour liure de toutes
les sommes qu’il leur feroit toucher en vertu des Arrests & Rolles
arrestez au Conseil, collationnez par lesdits Catelan & Tabouret
en qualité de Secretaires du Roy, qu’ils luy ont pour cét
effect mis entre les mains, auec vn nombre de quittance du Tresorier
des parties casuelles de taxes faites sur les Officiers compris
en leur traitté du dernier Mars 1637. sous le nom dudit
Meyssonnier.
 
Outre lesquelles ils ont fabriqué & donné vn grand nombre
d’autres quittances audit demandeur, pour en faire pareil recouurement,
qu’ils ont auec ladite promesse faict signer faussement
audit Pynot du nom de Meyssonnier : & ainsi malicieusement
trompé le public & le particulier en la personne dudit
demandeur, qui s’en est chargé enuers les deffendeurs par vn
inuentaire de luy signé le mesme iour quatriesme May mil six
cens trente huict qu’ils ont tousiours en leur possession. Car sous
ombre de cette fausseté dont ils pretendent éluder ladite promesse
comme s’ils n’en estoient pas les autheurs ; bien que par
vne faute innocente le demandeur aye faict les poursuittes &
contraintes necessaires pour recouurer contre les redeuables les
sommes qui deuoient prouenir des quittances de beaucoup d’autres
de mesme nature. Et bien que le demandeur les ayt payées
ausdits accusez, qui montent à plus de six vingts mil liures, ils
s’efforcẽt de le frustrer de son labeur & de ses sallaires, partie desquels
payemens les accusez en ont deschargé les inuentaires
du demandeur, & pour les autres ils luy ont fourny des quittances
& recepissez par eux faites, aussi signer faussement par ledit
Pynot dudit nom de Meyssonnier, à desduire sur lesdits inuentaires,
Lesdits accusez ont encore fait diuers autres traittez auec sa
Majesté soubs autres noms que celuy dudit Meyssonnier, dont
les quittances, outre celles des Parties Casuelles faussement
fabriquées comme les precedentes, ont esté signées dudit Pynot
& de son nom, & non plus de celuy dudit Meyssonnier,
jouant toutes sortes de personnages, & tels que le souhaitoient
lesdits accusez pour faciliter & fauoriser leurs insignes exactions