[retour à un affichage normal]

Accueil > recherche > Affichage d'une occurrence en contexte

Mazarinade n° B_11_29

Image de la page

Anonyme [1652], EXTRAICT DES REGISTRES DV PARLEMENT, CONTENANT Ce qui s’est passé pour l’esloignement du Cardinal Mazarin. , françaisRéférence RIM : M0_1351. Cote locale : B_11_29.



ET ledit sieur P. de Condé a dit, qu’il a creû estre obligé
de venir en la Compagnie pour la remercier de ce qu’elle
a trouué bon de surseoir l’execution de la Declaration
enuoyée en la Cour, sous le nom du Roy, contre sa personne,
& ceux qui l’ont suiuy en sa retraite, apres auoir reconnû
qu’il y auoit esté forcé, pour se garantir des violances &
de l’oppression du Cardinal Mazarin ; & que la creance
qu’il auoit tousiours euë de son retour, n’estoit pas vn pretexte
recherché pour troubler le repos de l’Estat ; Qu’il prie
la Compagnie de s’asseurer qu’il n’a jamais eu & n’aura
d’autres intentions que d’employer sa vie pour le seruice du
Roy, & le bien de l’Estat, & de suiure entierement les ordres
de S. A. R. & les sentimens de la Compagnie, ausquels il
se soûmettra tousiours auec beaucoup de joye & de satisfaction ;
declarant qu’il n’a rien fait que pour la seureté de sa
personne, & qu’il est prest de poser les armes à l’instant que
le Cardinal Mazarin sera hors de France, & que les Arrests
donnez contre luy auront esté executez ; & prie la Compagnie
qu’il soit fait registre de la presente Declaration.
Et apres Monsieur le President de Nesmond a dit ; Que
le Samedy 23. Mars dernier, il eut ordre auec Messieurs les
Deputez de la Compagnie, de se transporter vers le Roy,
pour luy porter les Remonstrances par escrit de ladite
Cour ; qui trouua bon qu’elles fussent reueuës, (ce qui fut
fait : Partirent le Ieudy ensuiuant, allerent disner à Linas,
& coucherent à Estampes ; se rendirent à Orleans le Samedy
veille de Pasques, où ils furent receus & visitez par tous
les ordres & Officiers de la Ville auec beaucoup de respect
& de ciuilité : Et apres auoir receu diuers ordres de la part
de sa Majesté, se rendirent à Sully, où ils furent visitez de
plusieurs personnes de qualité, & furent conduits en la
maison du Roy ; où estant aduertis par le sieur de Guenegaud
Secretaire d’Estat, d’entrer au cabinet de sa Majesté ;
ils le virent assis en vne chaire, à sa main droite, la Reyne
assise à gauche, Monsieur le Duc d’Anjou debout, à
main droite derriere M le Garde des Sceaux, M. le Duc
d’Anuille, Mrs les Mareschaux de Villeroy & du Plessis,