[retour à un affichage normal]

Accueil > recherche > Affichage d'une occurrence en contexte

Mazarinade n° B_11_29

Image de la page

Anonyme [1652], EXTRAICT DES REGISTRES DV PARLEMENT, CONTENANT Ce qui s’est passé pour l’esloignement du Cardinal Mazarin. , françaisRéférence RIM : M0_1351. Cote locale : B_11_29.


donne ses conseils, & ceux qui le soustiennent, lesquels
sont cause de tous les maux que souffre le Royaume.
 
Apres ce recit M. le President de Bailleul au nom de toute
la Compagnie, a remercié ledit sieur President & les autres
sieurs Deputez. Et les Gens du Roy ont presenté à la
Cour vne Declaration de sa Maiesté, & vne Lettre de Cachet,
datée à Saumur le deuxiéme Mars dernier, dont a
esté fait lecture, & de laquelle Lettre de Cachet, la teneur
ensuit. DE PAR LE ROY.
Nos amez & feaux, ayans par nostre Declaration de ce
iourd’huy, & pour les considerations y contenües, ordonné
que toutes les informations, procedures & Arrests donnez
à l’encontre de nostre tres-cher & tres-amé Cousin le
Cardinal Mazarin, ensemble tous les memoires faits, s’y
aucuns y a, seront enuoyez dans quinzaine, par nostre Procureur
General en nostre Cour de Parlement de Paris, és
mains de nostre tres-cher & feal Cheualier Garde des
Sceaux de France, & premier President en nostredite
Cour, le sieur Molé, pour iceux veus & rapportez en nostre
presence dans nostre Conseil, estre par nous pourueu
de plus ample Declaration de nostre volonté sur ce subiet ;
Et auons surcis l’execution des Arrests & de nostre Declaration
du sixiéme Septembre dernier, donnez contre nostredit
Cousin, ainsi qu’il est plus amplement porté par nostre
Declaration cy-jointe.
Nous auons bien voulu vous l’enuoyer, & vous faire cette
Lettre, par laquelle nous vous mandons & ordonnons
tres-expressément de proceder à l’enregistrement pur &
simple d’icelle, selon la forme & teneur, & à la faire executer
& garder ponctuellement : Et nous promettant de vostre
bonne conduite accoustumée que vous satisferez à ce
qui est en cela de nostre volonté, nous ne vous ferons la
presente plus longue, ny plus expresse. N’y faites donc
faute, Car tel est nostre plaisir. Donné à Saumur, le deuxiéme
iour de Mars 1652. Signé LOVIS.
DE GVENEGAVD.