[retour à un affichage normal]

Mazarinade n° C_11_30

Image de la page

Anonyme [1651], LES SERVICES QVE LA MAISON DE CONDÉ A RENDVS A LA FRANCE CONTRE LES CALOMNIES des Partisans du Mazarin. , françaisRéférence RIM : M0_3666. Cote locale : C_11_30.

ou consiste son orgueil comme son auarice est seulement remarquable
lors qu’en vn temps ou les armées mal payées se dissipoient,
que les frontieres desarmées & les places degarnies d’hommes &
de munitions, donnoient ouuerture à l’ennemy que les gages &
pensions mal acquitées causoient des mescontentemens a tous les
Grands & autres qu’õ retient par ce frain doré, & que d’ailleurs les
Prouinces gemissoient sous le faix excessifs des impositions & la
foule des gens de guerre, on espuisoit l’Espargne pour achepter
l’alliance de Monsieur de Vandosme, qui en sacrifiant son fils ne
laisse pas peut estre de chercher encore dans quelque forest des
Hermites pour consulter le succez de ce mariage, cette auarice
pretenduë de Monsieur le Prince est signalée quand il a quitté cent
mil liures tout les ans du present des Estats de Bourgongne où il a
souffert vn quartier d’Hyuer pour donner l’exemple aux autres
Gouuerneurs qui ne seroient pas peut estre tous si odieux dans les
Prouinces s’ils y auoient obserué les mesmes ordres & la discipline
comme il l’auoit establie. L’intelligence auec les estrangers merite
qu’on y fasse reflexion, il a demãdé qu’on secourut les Liegeois
anciens & fidelles amis de la France pour les oster de la depeneance
de la Maison d’Austriche ou la maison de Bauiere les assujettit
pendant qu’vne puissante armée se promenoit si inutilement
sur la frontiere de Flandre que les Soldats disoient par raillerie
qu’on les auoit enuoyez là pour traitter la paix, dont Pignerenda
n’auoit pas estimé pouuoit prendre les seuretez necessaires auec
le Cardinal. Son importunité n’est pas à desaduouer quand il pressoit
de recompenser les gens de merite & de valleur pour les retenir
ou appeller dans le seruice, dont les chicanes, les mespris ou les
longueurs de la Cour les rebutent ordinairement ; Monsieur le
Prince croit que la mesme hardiesse dont il a soustenu tous ceux
qui ont recherché sa protection ne peut passer pour crime que
dans l’esprit de celuy qui a laschement abandonné tous ceux qui
ont seruy la Reyne dans les derniers mouuemens pour les sacrifier
aux Frondeurs comme il a sait toute la Noblesse de Guyenne & de
Prouence pour les entretenir s’ils ne s’estoient aperçeus de ses artifices
dans vne diuision perpetuelle en la quelle les vns & les autres
ayent besoin de l’entremise du Zany. Sa violence est
veritablement blasmable, mais c’est celle-la seulement qu’il a tesmoigné
pour les interests de celuy qui la fait arrester, son ambition