[retour à un affichage normal]

Mazarinade n° C_7_83

Image de la page

Anonyme [1649], EXPOSITION ET EXPLICATION DES DEVISES, EMBLEMES ET FIGVRES Enigmatiques du Feu construit deuant l’Hostel de Ville, PAR MESSIEVRS LES PREVOST des Marchands & Escheuins de Paris, Sur l’heureuse Naissance & Retour du Roy. Faite par Henry Estienne, Escuyer, Sieur des Fossez, Poete & Interprete du Roy és Langues Grecque & Latine. , français, latinRéférence RIM : M0_1336. Cote locale : C_7_83.

Art, son zele & sa diligence enuers le Roy & la Ville de
Paris, non moindres que dans ce superbe Mausollée,
qu’il a basty à la memoire de LOVIS LE IVSTE
combattant : Et moy ayant esté choisy pour faire les
Deuises & les Eloges des Generaux d’Armée qui ont
assisté ce grand Prince, i’ay esté aussi choisy pour faire
les Deuises, les inscriptions & Hemystiques de ce feu,
dont le vay maintenant donner vne breue intelligence,
attendant que (ioignant vne plus ample exposition
à la planche) ie fasse voir l’interest que ie prends aux réjoüissances
de ma Patrie.
 
Au plus haut de la Pyramide, est posé vne Iustice,
tenant d’vne main la balance & l’espée, signifiant la
Iustice, & la force pour la faire maintenir : Car c’est d’elle
que depend l’Authorité souueraine, & qu’elle ne pout
elle mesme subsister sans la puissance Royale. On l’a
pesée au plus haut de cét Arc de triomphe, ainsi que la
raison dans la teste de l’homme, qui gouuerne toutes
les autres passions : Nous y auons adjousté cét Hemystique,
Hac leges, hac Iudice temperat arma.

C’est elle qui tempere & les Loix & les Armes.
C’EST à elle que le Roy refere toutes ses actions,
tant de la paix que de la guerre.
Elle tient vn Soleil à sa main, tant pour illuminer
cette plus haute partie, que pour signifier que la Iustice
(ainsi que le Soleil) void tout, découure tout, & penetre
iusques aux lieux les plus reculez des Abysmes, ou par
sa lumiere, ou par la puissance de sa vertu.