[retour à un affichage normal]

Accueil > recherche > Affichage d'une occurrence en contexte

Mazarinade n° B_17_17

Image de la page

Anonyme [1652], LES CONDITIONS DE L’ARREST RENDV SVR LE IVGEMENT d’entre l’Autheur DE LA VERITÉ TOVTE NVE, ET L’ADVOCAT GENERAL Partie Aduerse. , françaisRéférence RIM : M0_733. Cote locale : B_17_17.


Hemyphere. Mais les Monarques de la terre
nont point assés de lumiere pour connoistre &
discerner sans faute des choses qu’ils ont à faire
pour bien gouuerner. C’est pourquoy ils ont
besoin beaucoup plus du secours des parties du
Corps d’Estat qui sont plus approchantes des
conditions Royales.
 
Moyse premier luge d’Israel en Exode chapitre
18. v. 13. tenoit Siege pour iuger le peuple lequel se
presentoit à luy depuis le matin iusques au Vespre ;
Mais Ietro son Allité Prestre de Madian luy donne
vn aduis salutaire pour luy & pour tout le
peuple v. 18. Tute consomme d’vn tel trauail, toy &
le peuple qui est auec toy, car la charge est outre tes forces,
v. 21. pouruoir d’entre tout le peuple des hommes sages
& craignants Dieu esquels soit verité, & qui haissent
auarice, & en constitue des Capitaines Centeniers, Cinquanteniers
& Dizeniers, le squels iugeront le peuple en
tout temps : mais ils te rapporteront toutes grandes causes,
v. 23. si tu fais cecy, tu accomplir le commandement
du Seigneur. Il n’est donc point possible qu’vn
Roy puisse retenir toute son authorité en luy,
& satisfaire tout ensemble à sa charge de
luge.
Quand il y auoit autant de Rois que de villes,
que les hommes n’estoient point peruert &
corrompus comme ils sont, les Roys terminoient
leurs Iugemens aux portes. Mais à present