[retour à un affichage normal]

Mazarinade n° C_1_36

Image de la page

Anonyme [1649], CONTRACT DE MARIAGE DV PARLEMENT AVEC LA VILLE DE PARIS. , françaisRéférence RIM : M0_783. Cote locale : C_1_36.

cinq, & que les lettres d’abolition ou remission de tels crimes ne seruiront
à ceux qui les ont negotiées depuis ledit temps, que pour la
peine inflictiue, & la confiscation de corps, attendu qu’en l’expedition,
distribution & enterinement de ces abolitions & remissions, il a esté
mal vsé & indignement procedé, ayant esté expediées en blanc sans
connoissance de cause ny de personne, & enterinees sans raison ny
Iustice.
 
Que tous autres crimes commis depuis la guerre, & qui sont demeurez
impunis à cause d’icelle, seront recherchez, pour estre le procez
fait & parfait aux coupables, & chastiez selon leurs demerites.
Que le pauure peuple sera soulagé reellement & effectiuement, ainsi
qu’il est porté par la susdite derniere Declaration du mois d’Octobre
1648. qu’il sera protegé & deffendu de toutes oppressions, que l’ordre
en toutes choses sera remis, & le regne de la Iustice plainement restably
dans toutes les Prouinces du Royaume.
Et parce que toutes ces bonnes choses ne peuuent arriuer tant que
le Cardinal Mazarin commandera à cét Estat auec l’insolence & la
tyrannie auec laquelle il se comporte, lequel apres auoit peruerty toutes
les bonnes regles d’vn legitime & raisonnable gouuernement par
vne extreme ignorance & malice, & fait des voleries exorbitantes des
Tresors du Royaume, a enleué scandaleusement & perilleusement la
sacrée personne du Roy & de Monsieur son frere, seduit les autres Princes
du Sang, & impudemment & faussement accusé des Membres de
cét Auguste Corps du Parlement d’intelligence auec les Ennemis de
l’Estat, à cause dequoy, ayant esté par Arrest solemnel declaré Perturbateur
du repos public, & Ennemy du Roy & de son Estat, il sera incessamment
poursuiuy iusques à ce qu’il soit mis entre les mains de la Iustice,
pour estre publiquement & exemplairement executé.
Que le Pape, les Republiques de Venise, de Genes, & de Lucques,
& autres Princes d’Italie seront requis & priez que recherches & saisies
soient faites dans leurs Terres des biens meubles, pierreries & deniers
qui y ont esté enuoyez par ledit Mazarin, pour estre restituez à la Couronne
& au Royaume, auquel ils ont esté volez.
Qu’il sera fait vne authentique Declaration, qu’ancun Estranger ne
pourra iamais posseder Office ny Benefice dans le Royaume, sauf des
charges de guette seulement pour ceux qui s’en seront rendus dignes.
Que les Cardinaux François qui sont maintenant & seront cy-apres
seront tenus de faire leur residence ordinaire à Rome, remplir leurs
places dans le Sacré College, auquel ils auront esté admis, sauf pour les
Princes de naissance, ausquels sera permis de resider en France.
Que les Gouuernemens des Places & Villes de dix lieuës à la ronde