[retour à un affichage normal]

Mazarinade n° B_16_61

Image de la page

Anonyme [1652], APOLOGIE SVR LA PVISSANTE VNION des Princes, du Parlement, de la Ville & des peuples, pour bannir le Tyran de l’Estat, & pour redonner la paix generale à toute l’Europe. , françaisRéférence RIM : M0_131. Cote locale : B_16_61.

fasse vanité de vous assistez d’hommes & de viures,
en l’execution d’vne si glorieuse entreprise.
 
Le mespris qu’on a fait des deputez que vous
auez si souuent enuoyez à sa Majesté, fait bien
voir le mauuais dessein qu’ils ont contre vous, &
cette action ne vous instruit pas mal de celuy que
vous deuez prendre. Il est s’il me semble assez facile
d’aller querir le Roy à Saint Germain, & de
le ramener à Paris, comme on a fait autrefois,
auec moins de raison que nous n’en auons pas de
le faire. Lentulus ne veut pas qu’on vse d’aucune
espece de remission en leur endroit, parce qu’ils
n’ont iamais obserué pas vn de tous les traitez
qu’on a faits auec eux, & parce qu’ils ne demandent
iamais la paix que quand ils ne peuuent plus
faire la guerre.
Et puis qu’on ne leur sçauroit oster vne perfidie
qui leur est naturelle, il faut tascher du moins
à leur oster le pouuoir de nous nuire : car qu’elle
paix pourroit on faire auec des personnes qui ne
font iamais rien de ce qu’ils promettent, & qui
ne disent iamais rien de ce qu’ils veuleut faire.
Alexandre sixiesme de nom, & deux cens vint
& deuxiesme Pape, Machiauel semble vouloir
mettre au rang des hommes illustres apres auoir
fait la paix auec les Princes qui s’estoient liguez
contre luy, ne laissa pas de les attirer sous ombre