[retour à un affichage normal]

Accueil > recherche > Affichage d'une occurrence en contexte

Mazarinade n° B_16_49

Image de la page

Anonyme [1649], DIVINE REVELATION ARRIVÉE A VN BON RELIGIEVX, Du retour du Roy, & de la Paix. , françaisRéférence RIM : M0_1163. Cote locale : B_16_49.


entre les hommes, souhettant
auec des tendresses nompareilles qu’il
luy pleust par sa saincte grace l’y vouloir
maintenir & comme il estoit en cette
contemplation tournant sa pensee sur les
miseres de ce temps dont la presence du
Roy chasseroit le suiet, il fut rauy en extase
bien l’espace d’vne demy heure hors
de tout sentiment, pendant lequel temps,
il entendit vne voix qui se plaignoit a luy
d’vne infinité non seulement de sacrileges
abominables commis depuis vn an, tant
par le violement des lieux les plus sacrez,
que par le rauissement des Vases les plus
precieux des Eglises, & profanation du
sainct Sacrifice de la Messe, mais particulierement,
& auec des ressentiments inexprimables,
des attentats à la personne
du Fils de Dieu, des mocqueries, des iniures
& blasphemes, ayant esté traicté plus
indignement, en vn temps de lumiere, en
vn pays le plus esclairré du flambeau de la
Foy qu’il ne fut iadis par les Iuifs ignorans
aux iours des tenebres, & de l’assasinat