[retour à un affichage normal]

Mazarinade n° A_2_9

Image de la page

Anonyme [1649], ADVIS DV MAVVAIS RICHE A MAZARIN. , françaisRéférence RIM : M0_512. Cote locale : A_2_9.

grandes que tu ne les conçoiues moindres qu’elles
ne sont l’horreur de ce triste present, pourroit contribuër
à ton amendement, mais c’est vne grace
que n’esperant pas obtenir, ie n’ay pas voulu demander ;
& ie ne me repens point en cecy de ma
timidité, puis qu’aussi bien l’image des maux que
ie souffre ne seroit qu’vn portrait flatteur de ceux
que tu merites.
 
La Iustice diuine proportionne tousiours la recompense
à sa vertu & le supplice au crime, &
pour iuger sainement qui de nous deux doit plus
souffrir en ce monde, il faut voir lequel a vescu
plus mal en l’autre.
Ie t’en fay iuge toy mesme Mazarin, commande
à ton Aumosnier le plus inutile de tes domestiques
de te lire mon Histoire que l’Euangeliste
qui la raconte auoit apprise de la bouche de nostre
Iuge adorable & comparant, ta vie à la mienne,
Iuge sans Passion laquelle des deux est moins
criminelle. I’estois riche, tu les aussi Mazarin,
mais ie n’estois riche que de mon patrimoines, &
que te va laisser la Iustice humaine si pressant l’esponge
elle ne te laisse que le tien seulement ?
Dieu prestre plustost qu’il ne donne aux riches
dequoy partager entr’eux & les pauures, & c’est
vne pernicieuse erreur de leur aueuglement que
de s’estimer proprietaires des tresors, dont ils ne
sont que les depositaires : Tu n’és ny l’vn l’autre
Mazarin, puis que c’est à tes Monopoles inouys
que tu dois tout ce que tu possedes.