[retour à un affichage normal]

Mazarinade n° A_2_28

Image de la page

Anonyme [1649], ADVIS CHRESTIEN ET POLITIQVE, A CHARLES II. ROY DE LA GRANDE BRETAGNE. , français, latinRéférence RIM : M0_496. Cote locale : A_2_28.

Vostre Maiesté de commettre en d’autres mains
l’Admirauté qu’en celles du vaillant & genereux
Prince Robert, qui l’a commande à present auec tant
de gloire, & qui seul conserue & conduit tres-courageusement
vos dernieres esperances ; Il a l’honneur
d’estre Cousin germain de Vostre Maiesté, & vos interests
& les siens sont ioints si estroitement, qu’il
est impossible que vous puissiés trouuer plus de valeur
ny plus de fidelité en vn autre ; Outre, qu’ayant
esté aimé & chery du feu Roy vostre Pere comme il
a esté, il y auroit de l’iniustice & de l’ingratitude tout
ensemble de songer seulement à luy diminuer le
pouuoir qu’il a sous vostre authorité ; au contraire
nous sçauons que Vostre Maiesté est trop genereuse
pour en demeurer là, & que si vn iour vous estes
remonté sur vostre Throsne, (comme les vœux & les
prieres de tous les gens de bien en coniurent le Ciel)
vous ne luy conseruerés pas seulement les Charges
qu’il a euës du feu Roy & de vous, mais vous le comblerez
tous les iours de nouueaux honneurs ; Il est aimé
& reueré de vos plus fideles Suiets, & craint &
redouté des rebelles ; Les Irlandois sur tout (desquels
il s’est particulierement seruy aux occasions les plus
perilleuses, recognoissant en eux beaucoup de valeur
& de fidelité) le cherissent passionnément & luy rendent
en vostre absence tous les tesmoignages qu’ils
peuuent d’affection & d’obeïssance ; Voyans bien que
tous les genereux trauaux & les continuelles inquietudes