[retour à un affichage normal]

Accueil > recherche > Affichage d'une occurrence en contexte

Mazarinade n° C_7_42

Image de la page

Anonyme [1649], DISCOVRS VERITABLE SVR LE GOVVERNEMENT DE L’ESTAT, Où l’on void les Ruses & Trahisons desquelles le Cardinal Mazarin s’est seruy pour se rendre necessaire auprés de leurs Majestés. , françaisRéférence RIM : M0_1153. Cote locale : C_7_42.


comme chacun sçait. Depuis ce temps on à fait
des armemens auec grande despence pour enuoyer
en ce pays-là, mais il ne se faut pas estonner
si le succés n’y a pas esté fauorable pour y
estre allez trop tard & auec trop peu de forces,
lesquelles auroient esté plus vtilemẽt employez
ailleurs, s’il n’auoit falu en quelque sorte contenter
l’ambition ridicule du Cardinal Mazarin,
qui ayant eschoüé de ce costé là, fit donner la dignité
de Vice-roy de Catalogne à son frere, auquel
il donna vn superbe équipage & vne compagnie
de cent Gardes tres-bien montez, & vestus
de riches casaques d’escarlate couuertes de
passemens d’argent. Mais ce ridicule personnage
ayant cogneu que sa teste n’y ses espaules, n’estoient
pas assez fortes pour soustenir vn si glorieux
& pesant fardeau, quitta & abandonna tout
auant, mesme qu’on y eut enuoyé vn autre, &
s’en vint à Paris, où se faisant cognoistre par mille
impertinences & folies qui attirerent la moquerie
& la risée de toute la Cour, il s’en est enfin
retourné à Rome dire ses patenostres & iouyr à
son aise du Cardinalat, auec le titre que nos
Courtisans luy ont dõné de Triuelino fatto Principe.
 
Ironie.
Que si nous voulions exagerer tout ce que
l’ambition, l’auarice & l’iniustice ont fait faire au