[retour à un affichage normal]

Accueil > recherche > Affichage d'une occurrence en contexte

Mazarinade n° A_2_44

Image de la page

Anonyme [1649], DISCOVRS VERITABLE SVR LE GOVVERNEMENT DE L’ESTAT, Où l’on void les Ruses & Trahisons desquelles le Cardinal Mazarin s’est seruy pour se rendre necessaire auprés de leurs Majestez. , françaisRéférence RIM : M0_1153. Cote locale : A_2_44.


les François, à cause de la contrarieté de leurs
humeurs, de leurs lãgages & de leurs coustumes,
n’ont cherché qu’à s’agrandir de nos biens & se
gorger de nos substances, pour nous quitter vn
iour, & se mocquer à leur aise de nostre stupidité,
& de nostre lascheté. Si Dieu ne permet qu’on
les arreste pour les faire creuer ou rendre gorge
de ce qu’ils ont pris trop auidement. Bref, la pauure
Reyne a esté & est encore si aueuglée qu’elle
s’imagine de perir, & que son Nauire feroit
naufrage s’il n’estoit conduit par ce Pilote, dont
le gouuernement & le timon luy sera aussi fatal
& honteux, comme il l’est desia deuant les yeux
de tous les sages qui rougissent de honte, & qui
en souspirent.
 
N’est-ce pas rendre les François bien mesprisables,
& auoir bien peu d’opinion de leur suffisance,
ou plustost tesmoigner l’aduersion & la
haine qu’on a pour eux, que de choisir vn des plus
ignorans de Rome, & dont la naissance est tres-basse
& l’origine encore plus honteuse, pour le
preferer à vn si grand nombre de braues & de genereux
Princes & Seigneurs qui sont en France,
dont le merite, la prudence, le courage & l’experience
sont beaucoup plus grandes que celles de
cét insolent Ministre, qui a fait paroistre son ignorance