[retour à un affichage normal]

Accueil > recherche > Affichage d'une occurrence en contexte

Mazarinade n° A_2_44

Image de la page

Anonyme [1649], DISCOVRS VERITABLE SVR LE GOVVERNEMENT DE L’ESTAT, Où l’on void les Ruses & Trahisons desquelles le Cardinal Mazarin s’est seruy pour se rendre necessaire auprés de leurs Majestez. , françaisRéférence RIM : M0_1153. Cote locale : A_2_44.


mesme instant. Et qui plus est, cét insatiable Italien,
ayant esté poussé par l’instigation de trois ou
quatre partisans, principaux suppots de son horrible
auarice, de conseiller à la Reine de faire des
menaces au Parlement, & de faire arrester deux
des plus sages Officiers d’iceluy, pour estre peu de
temps apres mis entre les mains d’vn bourreau ; Il
a veu son pernicieux conseil tourner à sa honte &
à sa confusion, & la Reine Regente qui le croit
comme vn oracle, a esté contrainte de rendre au
peuple ces deux innocentes victimes qu’elle vouloit
sacrifier à sa passion ; Et cét infidel & pernicieux
Aman a esté cause du triomphe du bon
Mardochée, lequel il vouloit perdre ; Que si Dieu
nous fait la grace de voir vn iour nostre jeune
Roy capable de descouurir ces trahisons & ces
meschancetez, il punira ce temeraire Ministre
de la mesme façon que le Roy Assuerus punit
Aman : & peut-estre que le mesme Dieu permettra
que la Reine connoistra bien-tost que les
conseils qu’on luy a donnés sont tres-pernicieux,
puis qu’ils ont eu des succés si contraires à leur
but ; & que ceux qui l’ont obligée à vouloir traiter
des gens de bien comme des criminels, luy paroistront
tels qu’ils sont, pour en receuoir le chastiment
qu’ils meritent. Si sa Majesté n’auoir