[retour à un affichage normal]

Accueil > recherche > Affichage d'une occurrence en contexte

Mazarinade n° A_9_9

Image de la page

Saint-Julien,? [?] [1650], LE COVRRIER BVRLESQVE DE LA GVERRE DE PARIS, Enuoyé à Monseigneur le Prince de Condé, pour diuertir son Altesse durant sa prison. Ensemble tout ce qui se passa jusques au retour de Leurs Majestez. , françaisRéférence RIM : M0_814. Cote locale : A_9_9.



Et qui le nomma Carolus,
De Paris, & s’il en faut plus,
D’Orleans, s’il en faut encore,
Le Comte de S. Paul que i’honore :
Pour la Ville estant le Feron.
 
 
La nuict deuant qu’il eust son nom
Les Cheuaux legers de Corinthe,
Gens à l’espreuue de la crainte,
Sur le chemin de Long-jumeau
Rencontrerent sous vn ormeau
Cent deux hommes d’Infanterie,
Et deux cens de Caualerie,
Hõmes qui n’estoient pas pour nous,
Sur lesquels & boutte à grands coups
Donna nostre petite Trouppe,
Qui pousse, qui bat & qui couppe ;
Qu’on pousse, qu’on coupe, qu’on bat,
Qui rend, & qui reçoit combat,
Et fait joliment sa retraite,
La partie estant trop mal faite,
Seuigny commandant pour nous.
 
 
Le Ieudy nous apprismes tous
Que dans la terre Prouençale
La procession generale
Que le peuple d’Aix bon Chrestien,
Fit le iour de Sainct Sebastien,
Fut interrompuë en sa file
Par des soldats entrez en ville
Sous l’ordre du Comte d’Alets,
Gouuerneur de la ville d’Aix.
Surquoy la populace fiere
Auec la croix & la banniere,
Le benestier & l’asperges ;
Battit ces gens, & prit d’Alets.
 
[1 mot ill.] Ian.
 
Nous sçeumes aussi qu’à Marseille
L’on auoit joüé la pareille
Au ieune Duc de Richelieu,
Qui mesme auoient fait prisonnieres
Plus des trois quarts de ses Galleres.
 
[1 mot ill.] Ian.
 
Le Samedy trentiesme iour
De l’Ordonnance de la Cour
Les Conseillers Doux & Viole,
Dont la vertu tient comme colle,
Prirent la poste en maniement ;
La Cour leur fit commandement
Due passe-ports ils deliurassent
[illisible.]
Tous deux, ou l’vn l’autre absent, &
(En Latin) le Greffier Guyet.
 
 
Ce iour les trouppes d’Alexandre,
Venant à Bry pour le surprendre,
I’entens vos Trouppes, grand Condé,
Il nous fut à Paris mandé.
Surquoy nostre Cauallerie
Prenant la route de la Brie
Les ennemis fuirent tourner,
Et pas vn d’eux ne ramener ;
Mais bien vne quantité grande
De bleds & de viue viande,
C’est-à-dire, de bestial,
Qui pour renfort du Carnaual
Fut à Paris fort bien receuë,
Et dont la Ville fut pourueuë.
 
 
Lors on tira des Fuzeliers
Des Colonelles des quartiers,
Et de la noble Bourgeoisie,
Il alla quelque Compagnie
Pour faire garde à Charenton.
Tandis qu’on menoit, ce dit-on,
La Garnison faire ses orges
Deuers Ville-neufue S. Georges,
Et d’autre à Briconterobert,
Qu’on craignoit qui fust pris sãs vert.
 
32. Ian.
 
Le Dimanche, Monsieur Tancrede
Fut blessé d’vn coup sans remede,
Blessé dis-je d’vn coup mortel,
L’issu du costé paternel
Du feu Duc de Rohan son pere,
Si l’on en croit sa chaste mere :
Au reste vn enfant tres-bien né
Aussi vaillant qu’infortuné.
Il donnoit beaucoup d’esperance,
Mais le mauuais destin de France
Prit mal à propos le toupet
Contre vn ieune homme si bien fait
Qui portoit toupet sur sa teste,
Comme l’on voit dans sa Requeste.
Voyons donc comme il a pery :
Il reuenoit auec Vitry,
Noirmontier, & d’autre Noblesse
Quand pour sa premiere proüesse,
Et pour acheuer son Romant,
Il rencontra quelque Allemand
De la garnison de Vincenne
[1 ligne ill.]