[retour à un affichage normal]

Accueil > recherche > Affichage d'une occurrence en contexte

Mazarinade n° A_2_46

Image de la page

Anonyme [1649], DISCOVRS SVR L’ENTREVEVE DV CARDINAL MAZARIN, ET DE MONSIEVR d’Hocquincour, Gouuerneur de PERONNE. , françaisRéférence RIM : M0_1145. Cote locale : A_2_46.


DISCOVRS
SVR L’ENTREVEVE DV
Cardinal Mazarin, & de Monsieur
d’Hocquincour gouuerneur
de Peronne.

LE Cardinal Mazarin qui voit sa fortune esbranlée
par sa mauuaise administration, par les demandes
pressantes des Parlemens & des peuples qui conspirent
tous pour son esloignement, enfin par la voix
publique qui se fait entendre par tout, qui va iusques
aux antichambres de la Reyne, & de Messieurs les
Princes, qui perce les cabinets & porte les sinistres iugemens
que chacun fait du salut de la France s’il en a
plus long-temps la conduite ; Ces raisons, disie, & la
crainte qu’il a que la Reyne ne penetre au milieu de
tous ses artifices, & ne cognoisse enfin le preiudice que
le trop de fermeté qu’elle a tesmoigné pour le conscruer,
a apporté aux affaires du Roy : luy font employer
tous ses soins, & ce qu’il a de credit pour s’assurer du
gouuernement des places de Picardie, afin d’oster à la
capitalle du Royaume toutes les assistances qu’elle tire
de cette Prouince, y former des corps d’armée pour la
destruire, ou à toute extremité se pouuoir maintenir
par vn establissement si considerable & qui peut facilement
receuoir le secours des estrangers.
Pour paruenir à ce dessein, il a accusé & rẽdu suspecte
la fidelité de la pluspart des gouuerneurs pourueus, par
le feu Roy d’Auguste memoire, qui cognoissoit parfaitement