[retour à un affichage normal]

Mazarinade n° B_15_18

Image de la page

Anonyme [1652], DISCOVRS Sur plusieurs points cachés & importans de l’Estat touchant la nouuelle conduite du C. Mazarin. DESCOVVERT AV ROY PAR vn Page de la Reyne, pendant le sejour de Pontoise: Et du depuis enuoyé par escrit à Paris, à vn de ses plus intimes Amis. , françaisRéférence RIM : M0_1151. Cote locale : B_15_18.

son humeur, estant vne matiere où sa Maiesté seule
pouuoit deliberer apres auoir entendu les inconueniens,
& les biens qu’elle en deuoit attendre,
& afin que la gloire en fust toute sienne, & ses
seruiteurs garentis, des succez desquels autre que
Dieu ne pouuoit respondre. Et cét Estranger estoit
rauy, quand il ouït raconter les Paroles de ce Sage
Prince, qu’il tint pour declarer la resolution qu’il
en prenoit, Qui estoient, Qu’il pourroit y auoir
quelques raisons qui sembleroient le deuoir diuertir,
& luy oster la pensée de voir son seruiteur : mais que
le bien & seureté de son Estat le requeroit. Qu’à cela il
preferoit tout ce qui estoit de sou particulier. Partant
qu’il prenoit cẽt aduis, Protestant qu’il ne verroit iamais
de bon œil ceux qui l’en voudroient destourner.
Que puis que ses intentions estoient bonnes, il n’en attendoit
que de bons euenemens : Et que pour des effets
contraires, il auoit en main la puissance & les remedes.
 
Voila l’estat des affaires generales, depuis que
les Princes Illustres en ont eu la conduitte, Qui
me fera pleindre auec le Prophete Royal, & dire,
Pourquoy est ce que les gens se sont minutez, & que
les peuples ont pensé choses vaines ? Et demander en
leurs nom, ce que nostre Seigneur faisoit aux Iuifs,
Pour laquelle de ces actions, est-ce que vous me voulez
lapider ? Et au mien, Pour laquelle est-ce que vous
auez inuenté tant d’impostures ? Ce sera peut-estre