[retour à un affichage normal]

Mazarinade n° C_7_52

Image de la page

Anonyme [1649], DISCOVRS PROPHETIQVE, CONTENANT QVARANTE-QVATRE ANAGRAMMES SVR LE NOM DE IVLES MAZARIN. , françaisRéférence RIM : M0_1140. Cote locale : C_7_52.

soumettre à la rigueur de sa tyrannie. Mais ce Miserable
Zani, qui ne fut iamais propre qu’aux diuertissements
comiques ; Ce Niaiz mal versé dans les affaires
de l’Estat, dont l’ame plus noire que celle d’vn vteil Sarazin,
ne connut iamais que les vices ; Ce Vilin qui
ramazse nos tresors pour en gorger sa famille ; Et ce
malin azseuré dans sa malice, qui ne pratiqua iamais
de vertus, eust mieux rencontré, si considerant son peu
de foy, son auarice, & le trafic infame qu’il fait des
biens de l’Eglise, il eust dit, Ie suiz Maran, c’est à dire,
pire qu’vn Iuif. Bien loin d’auoir les bonnes qualitez
de l’esprit d’Armand, dont il ne possede que la
place, Il va sans rime & sans raison, tenant des discours
impertinens, qui font voir la foiblesse de son esprit ;
Il varie sanz resolution dans toutes ses pensées, &
ne peut prendre de luy mesme vn conseil qui soit à son
aduantage ; & dans toutes ses actions il va sanz mire
& sans iugement, sans en préuoir ny la fin ny la suite,
ny sans trouuer de remede aux rencontres qu’il a mal
reconnuës. Comme le Soleil a des taches, Armand
ne fut pas sans defauts : & si Iules a retenu quelque
chose de ce puissant genie, ce n’est asseurément que
ce qui fut de blasmable en sa conduite. Il estoit destiné
à ne valoir rien, puis que le nom de Iules Mazarin
ne luy fut pas si tost impose, qu’on luy dit en mesme
temps, Tu seras malin, aussi Vit-il sanz ame, crainte de
faire mentir cette veritable Prophetie. Armand obligea
vne infinité de personnes à se plaindre, & Iules
Amazse iniure sur iniure, & se fait vniuersellement maudire
de tout le monde. Armand ruina beaucoup de
familles pour s’enrichir, mais il employa vtilement ses
deniers pour le seruice de son Prince, ou les conserua
dans la France ; & Iules comme vn bourdon inutile
au seruice de cette Monarchie, va Rauizsan le Miel de
cet Estat, où l’on sçait qu’il est Ariué sanz auoir mil
escus en bourse, & possede à present vne infinité de