[retour à un affichage normal]

Accueil > recherche > Affichage d'une occurrence en contexte

Mazarinade n° E_1_55

Image de la page

Anonyme [1649], DISCOVRS PROPHETIQVE, CONTENANT QVARANTE-QVATRE ANAGRAMMES SVR LE NOM DE IVLES MAZARIN. , françaisRéférence RIM : M0_1140. Cote locale : E_1_55.


millions qu’il a fait passer en Italie. Armand se rendit
veritablement puissant sur l’esprit de son Prince,
mais il n’entreprit iamais rien que pour la gloire de sa
Couronne ; & Iules a Sumiz l’auctorité de la Raine à ses
volontez, & ne l’a iamais conseillée que pour la destruire.
C’est de là qu’elle peut dire dans l’estat des affaires
presentes, que le Mazarin luy a procurées ; Ie Suiz
mal Raine, & ie suis mal obeye par les François, elle qui
auoit auparauant vn empire si puissant sur leurs cœurs,
qu’ils ne faisoient point de vœux qu’en sa faueur, &
n’esperoient de repos ny de bien que par sa Regence. La
France en s’addressant à sa Maiesté, pourroit auec que raison
luy faire les mesmes plaintes, & luy dire, Raine, ie
suiz mal si vous ne me deliurez de ce Maleur azsiné sur mes
terres : c’est vn Mal sanz riue, dont ie ne me pourray iamais
retirer, si prenant de meilleurs conseils vous ne
me prestez la main. Ce malheureux espere que vostre
Main luy sera fauorable, & que prenant tousiours sa protection
contre mes interests, vous le soustrairez à la iuste
punition de ses crimes : Mais considerez qu’il A ruiné
mes Liz, que le sang innocent, dont il les fait arrouser,
ternit leur splendeur & la vostre, & que le Roy venant
à connoistre vn iour l’estat où vous m’auez mise,
se pourra plaindre de vostre Regence. Faites que sa fortune,
qui comme vn Vaizseau marin a iusques icy trop
heureusement vogué sur l’Ocean de vos faueurs, se brise
contre l’escueil de la iustice qu’il veut choquer, &
retourne dans le neant dont vous l’auez tirée. Mars
l’enuizaje desia, mes Princes sont armez contre luy,
souffrez qu’ils l’exterminent, afin qu’il Laizse ma ruine
imparfaite, & qu’il n’acheue pas de me destruire. Ou
si vous le iugez (comme il est) indigne d’vne mort
si glorieuse, & que pour le punir plus seuerement vous
ayez dessein de le laisser viure, permettez qu’il soit auec
ses Partisans Liuré sanz ami qui leur serue d’intercesseur,
entre les mains du Parlement, qui les enuoyra