[retour à un affichage normal]

Accueil > recherche > Affichage d'une occurrence en contexte

Mazarinade n° A_2_31

Image de la page

Demophile [1649], DESCRIPTION DES VIES, MOEVRS, ET FACONS DE FAIRE DES PEAGERS, Publicains, Maletostiers, Monopoleurs, Fermiers, & Partisans, non moins facetieuse, naïfve & veritable, que serieuse, & mystique, Composé par DEMOPHILE. , françaisRéférence RIM : M0_1059. Cote locale : A_2_31.


duquel le salut de leurs ames fut mis en compromis)
estoit qu’il frequentoit ces sortes de gens, mais
il leurs fit cette response iudicieuse, & salutaire, qu’il
estoit venu sur terre pour appeller à conversion ceux
qui avoient fait banqueroute à la vertu, & non les iustes,
ceux qui joüissoient de la santé n’ayans besoin de
medecin, mais les malades. Quant à moy ie les estimes
pires que l’ennemy commun de Dieu, & des
hommes : car il demande seulement l’ame, & eux
prennent, ou afin de dire mieux, font prendre (& encore
perdre) le corps, l’ame, & les biens presque toûjours
conjointement. Au moyen dequoy on les qualifie
sang-suës, & pestes d’vn pays, pour bastir (ordinairement
parlant) leurs fortunes autant insolentes
que prodigieuses sur l’infortune d’autruy, & à ce sujet
sont plus chargez d’anathemes, & maudissons que
le bouc emissaire du desert qu’on chargeoit en la loy
Mosaïque des pechez du peuple. Mais les mesmes fortunes
ne sont si bien cimentées, vnies, & stables que
nids d’Alcions, qu’on sçait estre à couvert des orages,
& tempestes de la mer : car elles sont plus sujettes au
changement que l’Astre qui preside à la nuict, dont les
Astrologues ont bien de la peine à regler les mouvemens
excentriques & concentriques. Aussi pourra-on
dire de chacun d’eux en leur faillite, & ruïne totale
avec David [I’ay veu le meschant haut exalté, & esleué,
comme les cedres du Liban. Et i’ay passé outre, &
voicy il n’estoit plus, & ie l’ay cherché, & son lieu n’a
point esté trouvé] de façon qu’il ne peut dire avec ce
personnage, qui fut canonisé de la bouche mesme du