Mazarinade n° A_3_68
Image de la page
D. VV. [1649], LE HERAVLT FRANCOIS, OV LE PARANYMPHE DE MONSIEVR LE MARESCHAL DE LA MOTHE-HOVDANCOVR, Duc de Cardone, &c. Publiant les Batailles qu’il a données en Italie & Catalogne, auec les memorables actions de sa vie. , françaisRéférence RIM : M0_1624. Cote locale : A_3_68.
Son Altesse commanda sous ses ordres trois Compagnies de Caualerie,
auec le Regiment de Pfalsebourg, pour passer de l’autre costé :
ce qu’il fit, auec vne contenance si resoluë, que les trouppes du
Duc de Rohan n’oserent se disposer au combat pour l’aller chocquer :
de sorte que s’y retranchant puissamment, il asseura le passage
à toute l’armée.
Son asseurance parut encor mieux à Pamiers : car le Regiment de
Normandie ayant esté repoussé de la breche auec grande perte, il y
donna de telle vigueur, qu’il l’emporta mal gré toute la resistance
des ennemis ; Action qui donna tant de frayeur à la garnison, qu’ayant
abandonné les murailles pendant les tenebres, les habitans se rendirent
à discretion. Ses efforts continuerent au degast des campagnes
de Castres, aux Sieges de Realmont, de Sainct Seuer, & de Castelnau :
Il fit encor la retraite de Saincte Afrique, marcha pour le secours
de Creissel attaqué par le Duc de Rohan ; & pour finir cette
campagne, par vne action de pareille estoffe, tailla en pieces les trouppes
que le Gouuerneur de Montauban auoit establies en des postes
cachez, pour surprendre le Prince de Condé qui faisoit voyage en
Berry.
Le Duc de Montmorency demeuré pour commander cette armée,
ne l’employa pas moins vtilement aux Seuennes, aux pays de
Foix, & de Viuaretz ; le Roy mesme ayant forcé les Alpes, fait leuer
le premier Siege de Cazal, donné la paix à l’Italie, & voulant auoir
Priuas, vne des plus asseurées retraites des Huguenots, il enuoya
querir son Regiment, sur l’esperance d’en tirer de grands auantages
pendant le Siege : En quoy sa Majesté ne fut point trompée ; car
s’estimant assez glorieux d’auoir les yeux de son Prince, pour tesmoins
de ses actions, il tua en combat singulier, à la veuë de toute
l’armée, vn Caualier des ennemis, qui auoit ozé mettre la main sur
la picque d’vn Soldat de sa compagnie ; Ne s’estonna pas quand il se
veit engagé sous les ruines d’vne tour qui l’auoit mis tout viuant en
terre, sortit de là pour aller à l’assaut, & combatit si gaillardement à la
corne du bastion, qu’estant appuyé d’vn bon nombre de braues courages,
cette piece fut glorieusement emportée.
Les guerres de la Religion finirent heureusement en cette campagne :
les Estrangeres se renouuellerent auec le Printemps, qui fit le
commencement de 1630. le Cardinal de Richelieu passant les
Monts en qualité de Generalissime des armées de sa Maiesté ; ce Capitaine
fut commandé pour ce voyage, fut à la prise de Pignerol, &
Image de la page