Mazarinade n° D_1_6
Image de la page
Baltasard, Christophle [1645], TRAITTÉ DES VSVRPATIONS DES ROYS D’ESPAGNE, SVR LA COVRONNE DE FRANCE, Depuis le Regne de Charles huictiesme. ENSEMBLE VN DISCOVRS SVR LE COMMENCEMENT, progrez, declin, & démembrement de la Monarchie Françoise, droicts, & pretentions des Roys Tres-Chrestiens sur l’Empire. AVGMENTÉ D’VN SOMMAIRE DES DROICTS de ceste Couronne, sur les Comtez de Bourgongne, Cambray, Haynault, de Genes & Luxembourg. ET LES VICTOIRES ET CONQVESTES DES ROYS LOVIS XIII. dit le IVSTE, & de LOVIS XIV. dit DIEV-DONNÉ, sur les Espagnols, & les Austrichiens, en Italie, Alsace, Flandres, Luxembourg, & Comté de Bourgongne, Catalogne & Roussillon. Par C. BALTASARD. , françaisRéférence RIM : Mx. Cote locale : D_1_6.
apres Galas, auec vne puissante armee, ayant fait vne irruption en Bourgongne,
fut repoussé au delà du Rhin par les nostres : en suitte la guerre
se continue en Alsace. L’armee du Roy se rend maistre de Sauerne & Haguenau.
Le Duc Bernard Vvimard, auec ses trouppes grossies des nostres,
prend les villes forestieres, appartenantes à la maison d’Austriche, combat
le Duc de Sauelly, & Iean de Vvert, qu’il prend prisonnier, & l’enuoya au
Roy. Au deçà du Rhin les nostres s’emparerent des villes de Colmar, de
Scelestad, & le Duc de Vveimart, de Nieubourg. Ce qui facilita le siege
de Brisac par luy entrepris, auec le Comte de Guebriant, General de l’armee
du Roi en Allemagne. La place assiegee, les secours battus & repoussez,
se rendit audit Duc de Vveimar, qui tost apres mourut à Nieubourg ; &
ainsi Brisac demeura en la puissance de sa Maiesté, qui y laissa pour Gouuerneur
le Colonel Erlach. D’autre costé le Roi entre en Artois, assiege, &
prend Hesdin, Renty, & Sainct Paul, puis Landreci, en suitte Arras, & Bapaume.
Et pour faire diuersion à l’Espagnol en Italie, sa Maiesté y enuoia le
Duc de Longueuille, qui entra au Montferrat, & au Milanois, & y prit plusieurs
places. Puis sadite Maiesté y enuoia vne autrefois le Comte de Harcourt,
qui comme General deffit l’armee Espagnole, retrenchee deuant
Casal, assiege Turin, repousse le secours du Marquis de Leganez, & contraint
le Prince Thomas d’en sortir. Il y remet son Altesse Roiale Madame
la Duchesse, & enuoie nouueau renfort dans la Citadelle, dont le Roi est
protecteur : En suitte il prend Coni, & autres places en Piedmont, desquelles
il chasse les Espagnols.
Ce fut en mesme temps que le Roi prit les Catalans en sa protection. Le
peuple se voyant dans l’oppression souz la domination Espagnole, pour s’en
deliurer, enuoye vers sa Maiesté la prier d’accepter la Principauté, & leur
leur faire l’honneur de les tenir pour loyaux & fidelles subiets : Sadite Maiesté,
qui ne refusa iamais le secours de ses armes à ceux qui auoiẽt recours
à elle en leurs pressantes affaires, eut leurs offres agreables, auec asseurance
de les assister contre les Espagnols, comme elle fit par les armees qu’elles
y enuoya à diuerses fois : Et pour diuertir les forces d’Espagne, elle fit
assaillir le Comté de Roussillon, apres auoir defait les Espagnols entrez en
Languedoc, à dessein de prendre Leucate, & tenir toute la Prouince en
subiection : reprit les Isles saincte Marguerite & Sainct Honorat, que l’Espagnol
auoit surprises.
La guerre se fait donc en Roussillon, premieremẽt par monsieur le Prince
de Condé, qui y prit la forte place de Salce, & autres lieux dudit Comté :
en suitte le Roi y alla en personne, ayant auec luy les Mareschaux de la
Image de la page