[retour à un affichage normal]

Accueil > recherche > Affichage d'une occurrence en contexte

Mazarinade n° B_12_38

Image de la page

Anonyme [1652], DISCOVRS OV ENTRETIEN D’VN BOVRGEOIS DE PARIS AVEC VN GENTIL-HOMME Mazarin. , françaisRéférence RIM : M0_1129. Cote locale : B_12_38.


cause de vostre coutoisie, ie vous diray en premier
lieu que ie suis habitant & Bourgeois de Paris,
& que l’accasion qui cause mes resueries ne
procedde d’autre chose sinon que nous voir dans
le déplorable Estat ou nous sommes a present reduits,
de dire qui faut que pour vn Estranger toute
la France soit ruynée, elle gemie sous l’oppression
cruelle de ses persecuteurs : Et que ceux qui
la deuroient deffendre enfonce le glaiue dans son
sein, Ie ne croy pas si les Turcs entroient en France
qu’ils commissent les violences extresme que
les François y exercent, & que pour vn homme
seul il se fasse des mal-heurs qui ne serons iamais
reparez, enfin monsieur puisque de bonne foy ie
vous ay dit qui ie suis, & quels sont mes sentimẽs,
ie vous supplie aussi de grace de me dire qui vous
estes & de quelle proffession.
 
Le Gentil-homme.
Monsieur, vous auez vsé enuers moy de trop
de sincerité, & de franchise pour ne vous pas rendre
le semblable, ie vous diray sans paslier la verité
quelle est ma condition, & d’où ie viens, ie
vous puis asseurer que ie suis Gentil-homme de
Race issu de bonne Maison, & que mes parens estoient
desireux au possible de me voir beaucoup