[retour à un affichage normal]

Accueil > recherche > Affichage d'une occurrence en contexte

Mazarinade n° C_7_51

Image de la page

Anonyme [1649], DISCOVRS MONSTRANT COMBIEN LES PARTISANS ET FINANCIERS ONT TOVSIOVRS esté odieux. ENSEMBLE LA VIE ET FIN tragyque de leur Patron. , françaisRéférence RIM : M0_1128. Cote locale : C_7_51.


il ne se rencontreroit personne pour descouurir
leurs fourberies, maluersations, & peculats ;
& si chacun adheroit à leurs pernicieux &
abominables desseins, qui est-ce qui en empescheroit
l’accomplissement ? De plus c’est vne chose
tres certaine & asseurée, qu’il est du Droit diuin
d’estre tousiours fidelle à son Prince, & que le
droit des gens veut que les receleurs soient aussi
coupables que les larrons mesmes, & que ceux
qui ayant eu connoissance du mal ne l’ont point
descouuert, soient aussi griefuement punis que
ceux qui l’ont commis. Le Tragique nous apprend
le mesme quand il dit,
 
 
Qui souffrira vn crime estre fait par autruy
S’il le peut empescher offense autant que luy.
 
Et comme dans les maladies extremes il ne faut
aucunement pallier le mal, de mesme en cette occasion
suiuant cette maxime de medecine, Ie ne
veux rien desguiser, le mal dont toutes les moindres
parties de la France sont atteintes estant
trop grand pour le celer, & trop violent pour le
pouuoir cacher. Et bien que le commun prouerbe
selon le sens litteral semble estre entierement
contraire à mon entreprise, asseurant que la verité
engendre la haine (il ne se doit toutefois entendre
que des meschans & peruers) au contraire
i’espere par ce discours m’aquerir l’estime de tous
les gens de bien, & m’insinuer dans leur bien-veillance,