[retour à un affichage normal]

Mazarinade n° B_8_42

Image de la page

Anonyme [1652], RECIT VERITABLE De ce qui s’est passé en la Place de Gréue. Mercrëdy deuxiesme Octobre dernier. ET AV PALAIS EN PRESENCE de son Altesse Royale & du Duc de Guyse, au sujet des Seditieux, le Ieudy 3. du mesme Mois, dont leur Capitaine nommé Tambourg a esté amené prisonnier au Palais. Ensemble la Liste des Noms de ceux qui se trouuerent en leur derniere Assemblée. , françaisRéférence RIM : M0_3013. Cote locale : B_8_42.

Habitans, qui sera malaisée d’ẽpescher à moins
d’vn grand carnage & tuërie : dessein tres-pernicieux,
bien contraire aux termes des Responses
faictes au nom du Roy, aux Deputez des Preuosts
des Marchands & Escheuins, & à ceux des
six Corps des Marchands de Paris, veu qu’au prejudice
de tant de promesses, on ne laisse pas de
suborner gaigner & corrompre para gent & festins
aux Tauernes & Cabarets quantité de personnes,
pour l’execution de ce qu’ils veulent faire
pour ruiner Paris.
 
C’est ce qui se passa Mercredy dernier deuxiesme
d’Octobre dans la place de Greve, lieu où se
trouuent iournellement nombre de gaigne deniers,
gens d’eau, & autres, auquel iour s’estoient
rendus quelques-vns du Mareschal de
l’Hospital, cy-deuant Gouuerneur de Paris, lesquels
choisissoient & attiroient à leur party
nombre de plumets, porte sacs, porteurs de
charbon, & mariniers, lesquels ils menoient
boire aux Tauernes & Cabarets, & au sortir
donnoient à chacun d’eux vn Louys de trente-quatre
sols, & leur faisoient prendre le papier,
& pour le mot, le Roy, la Paix sans le Prince,
les asseurant qu’ils seroient puissamment assistez
en l’execution qu’on vouloit qu’ils fissent à
Paris.