[retour à un affichage normal]

Accueil > recherche > Affichage d'une occurrence en contexte

Mazarinade n° A_6_85

Image de la page

Anonyme [1649], OBSERVATIONS CVRIEVSES, SVR L’ESTAT ET GOVVERNEMENT DE FRANCE. Auec les Noms, Dignitez & Familles principales, Comme il est en la presente année 1649. , françaisRéférence RIM : M0_2568. Cote locale : A_6_85.



Le Mareschal de Turenne.
Le Mareschal du Plessis Praslin.
Le Mareschal de Rantzau.
Le Mareschal de Villeroy.
C’est de ce nombre que l’on tire les Generaux d’Armée, & deuant
eux que les querelles des Seigneurs se terminent. Ils ont Preuost
ou Lieutenant dans toutes les bonnes Villes de France, & des
Archers, pour tenir la Campagne libre, & cognoistre de tous excez
& delicts qui se iugent Preuostablement ; c’est à dire sans appel.
On ne peut leur oster leurs charges qu’auec la vie, comme nous auons
depuis peu veu par la mort du Mareschal de Marillac, qui eut la
teste trenchée en Greue. Ils portent deux bastons azurez, semez
de Fleurs de Lys, & croisez autour de leurs armes. ADMIRAL DE FRANCE.
Cette charge estoit possedée par feu Monsieur le Cardinal Duc
de Richelieu, en qualité de grand Maistre, Chef & Sur-Intendant
de la Nauigation, & du Commerce de ce Royaume ; &
aux mesmes honneurs, prerogatiues, authoritez, pouuoirs, &
droicts de cy-deuant Admiraux de France, tant par le commandement
des armees nauales, que pour la Iurisdiction de la Marine ;
& depuis sa mort par le Duc de Brezé, nepueu dudict feu Cardinal
Duc, auec les mesmes honneurs, fonctions & priuileges. Elle
appartient à present à la Reyne Regente. GRAND MAISTRE DE L’ARTILLERIE.
C’est Monsieur le Mareschal de la Melleraye, qui a pour son
Palais l’Arcenal, & pour sa Iurisdiction la Table de Marbre à
Paris. Cette charge est honnorable, & lucratiue, & va de pair auec
les Mareschaux de France. Tout ce qui concerne la conduitte du
Canon, l’attiral des Cheuaux, des poudres & munitions de guerre
passent par son ordre.
Elle a ses Lieutenans, Capitaines du charroy, & Archers, qui
font vn grand nombre.
Il a la disposition
de 800.
Offices.
Il a le maniment de cinq millions de liures tous les ans, sans qu’il
soit tenu d’en rendre compte.